Viral Video : सोशल मीडियावर दरदिवशी अनेक नवनवीन गोष्टी व्हायरल होत असतात. कधी गाणी तर कधी डान्स चर्चेत येतो. कधी कोणाची रील तर कधी कोणाचा हटके लूक व्हायरल होतो. काही महिन्यांपूर्वी "अतिशय युनिक, अतिशय वेगळा असा आळस मला आलेलाय" हे एक गाणं व्हायरल झालं होतं. आपल्यापैकी बऱ्याच लोकांनी हे गाणं ऐकलं असेल. अनेकांनी या गाण्यावर रिल्स सुद्धा बनवल्या होत्या. आता या गाण्याची चाल धरून एक हटके गाणं तयार केले आहे. हे गाणं पावसावर आधारीत आहे. तुम्ही हे गाणं ऐकलं का? (a young girl sings a creative version of famous song atishay unique) या व्हायरल व्हिडीओमध्ये तुम्हाला एक मुलगी दिसेल. ती रस्त्यावर साचलेल्या पावसात उभी आहे आणि गाणं म्हणताना दिसते. ती म्हणते, "अतिशय युनिक, अतिशय वेगळं असं गटार आम्ही बांधलेलं आहे,त्यामुळे रस्त्यात पाणी जमू देडास कीटक वाढतायंत तर वाढू देलोक डेंगी तापाने पडतायंत तर पडू देडॉक्टरांची पायरी चढतायंत तर चढू देपडू देत, पडणारी लोकबिकं गाड्यांची चाकंबिकं तुटू देतगॅरेजमध्ये सडू देत" त्यानंतर एका पुरुषाचा आवाज येतो, "इतकं चांगलं गटार बरं नव्हे!" हेही वाचा : Fire at petrol pump Viral Video: महिलेच्या धाडसाला सलाम! पेट्रोल पंपावर बाईक पेटली अन्…, अवघ्या १२ सेकंदात घडलं ‘असं’ काही त्यानंतर मुलगी म्हणते,"आता जरा पाऊस इकडे वाढलेलाय,आई, मला माझा रेनकोट दे!" त्यानंतर पुन्हा पुरुषाचा आवाज येतो,"आणि पुढच्या वेळेस इतकं चांगलं गटार बांधलं ना तर इकडे पोहायची स्पर्धा भरवेन." त्यानंतर ती मुलगी म्हणते,"काय? पाणी खूप खोल आहे इकडे…" पाहा व्हायरल व्हिडीओ हेही वाचा : किली पॉलचा ‘गोरे गोरे मुखड़े पे काला काला चश्मा’ गाण्यावर हटके डान्स अन् जबरदस्त एक्स्प्रेशन्स; VIDEO पाहून नेटकरी करतायत कौतुक sunil_d_mello या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, "अतिशय युनिक असं गाणं ! सध्याच्या काळात ज्या प्रकारे महापालिका / नगरपालिकांमध्ये गटार बांधकामे होतात, त्यावर खोचक टीका केलीय !" तर एका युजरने लिहिलेय, "अतिशय यूनिक विषय मांडलेला आहे" आणखी एका युजरने लिहिलेय, "विषय देखील खोल आहे" एक युजर लिहितो, "गटारात प्लास्टिक टाकताय तर टाकु दे, गटार तुंबतय तर तुंबु दे" अनेक युजर्सना हा व्हिडीओ खूप आवडला आहेत.
