scorecardresearch

“मार दुंगा, कसम गंगा मैया की…” कुत्र्याला पाठलाग करु नको सांगण्यासाठी पठ्ठ्याने केली सनी देओलची मिमिक्री; Video पाहून हसू आवरणार नाही

हा तरुण बॉलीवूड अभिनेता सनी देओलच्या आवाजात कुत्र्याला ‘माझा पाठलाग करु नको’ असं सांगताना दिसतं आहे

“मार दुंगा, कसम गंगा मैया की…” कुत्र्याला पाठलाग करु नको सांगण्यासाठी पठ्ठ्याने केली सनी देओलची मिमिक्री; Video पाहून हसू आवरणार नाही
सध्या सोशल मीडियावर एका व्यक्तीचा भन्नाट व्हिडीओ व्हायरल होत आहे. (Photo : Instagram)

‘पुणे तिथे काय उणे’ असं आपण नेहमी म्हणत असतो. कारण इथल्या प्रत्येक गोष्टीत काहीतरी वैविध्य आढळत, मग ती लोकांना एखादी गोष्ट समजावून सांगण्याची असो वा प्राण्यांना, पुण्याची भाषा नेहमीच खास असते. सध्या पुण्यात राहणाऱ्या एका विद्यार्थ्याचा असाच गमतीशीर व्हिडीओ व्हायरल होत आहे. ज्यामध्ये तो त्याच्या मागून येणाऱ्या कुत्र्याला थांबवण्यासाठी चक्क बॉलीवूड अभिनेता सनी देओलच्या आवाजाची मिमिक्री करताना दिसतं आहे.

सोशल मीडियावर या तरुणाचा व्हिडीओ चांगलाचं व्हायरल होत आहे. या व्हिडीओत तो पाठलाग करणाऱ्या कुत्र्याला थांबवण्याचा प्रयत्न करताना दिसत आहे. पण या तरुणाची कुत्र्याला थांबवण्याची पद्धत बघाल तर तुम्हाला हसू आवरणार नाही. कारण, बहुतांश लोकं कुत्रा पाठलाग करायला लागल्यावर त्याला दगड मारतात, मोठ्याने ओरडतात, नाहीतर शेवटी त्याला काठीने मारण्याचा प्रयत्न करतात.

हेही पाहा- नाद करायचा नाय! ‘कुत्ता समझा क्या’, सिंहांच्या कळपासोबत मस्ती करणाऱ्याला अद्दलच घडली, पाहा अंगावर शहारा आणणारा Viral Video

पण या तरुणाने कुत्र्याला कसलीही मारहाण न करता, बॉलीवूड अभिनेता सनी देओलच्या आवाजात तो कुत्र्याला ‘माझा पाठलाग करु नको’ असं सांगत आहे. मिळालेल्या माहितीनुसार, व्हिडीओतील तरुण त्याच्या काही मित्रांसह पुणे विद्यापीठात रात्रीच्या वेळी फिरायला गेला असता त्यांच्या मागून एक कुत्रा येतो. त्यावेळी सध्याच्या रील्सच्या ट्रेंडनुसार ते एक व्हिडीओ शूट करतात. ज्यामध्ये एक तरुण आपला पाठलाग करणाऱ्या कुत्र्याला ‘माझ्या मागे येऊ नको’ हे सांगण्यासाठी सनी देओलच्या आवाजाची आणि चित्रपटातील संवादांची मिमिक्री करताना दिसत आहे.

हा तरुण पाठलाग करणाऱ्या कुत्र्याला तो म्हणतो, “अरे! ओये पीछे मत आ, ओये,” असं म्हणतो. त्याच्या बोलण्याच्या अंदाजामुळे त्याचा व्हिडीओ शूट करणाऱ्याला देखील त्याचं हसू आवरता येत नसल्याचं व्हिडीओमध्ये दिसतं आहे. तो पुढे म्हणतो “ओये रुक जा… ओ पीछे मत आ, मार दुंगा कसम गंगा मैया की,” असं तो त्या कुत्र्याला म्हणताना दिसतं आहे. व्हायरल होत असलेल्या हा व्हिडीओ aazadaakash_ नावाच्या इंस्टाग्राम अकाऊंटवर शेअर करण्यात आला आहे.

हा व्हिडिओ नेटकऱ्यांना चांगलाच भावला आहे. कारण, आत्तापर्यंत जवळपास १. ४ मिलियन लोकांनी हा व्हिडीओ पाहिला आहे. तर लाखो लोकांनी लाइक केला आहे. काही नेटकरी ‘हा तर सनी देओलचा डुप्लिकेट आहे’ असं ते म्हणत आहेत. शिवाय अनेकांनी या व्हिडीओच्या खाली हसण्याच्या इमोजी कमेंट केल्या आहेत. तर अनेकांनी ‘भावा आता तु खूप फेमस झाला आहेस’ असंही कमेंटमध्ये म्हटलं आहे.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 02-12-2022 at 19:00 IST

संबंधित बातम्या