Alex Honnold Skyscraper Stunt Video :सोशल मीडियावर प्रसिद्धी मिळवण्यासाठी स्टंटबाजीचे प्रकार दिवसेंदिवस धोकादायक होत चालले आहेत. काहीजण क्षणिक व्हायरल होण्यासाठी स्वतःचा जीव धोक्यात घालायला मागेपुढे पाहत नाहीत. अशाच थरारक स्टंटबाजीचा एक व्हिडिओ सध्या सोशल मीडियावर तुफान व्हायरल होत असून, तो पाहून कुणाच्याही काळजाचा ठोका चुकल्याशिवाय राहणार नाही.

या व्हिडिओमध्ये जगप्रसिद्ध क्लायंबर Alex Honnold कोणत्याही दोरखंड, हार्नेस किंवा सुरक्षासाधनांशिवाय थेट गगनचुंबी इमारतीच्या बाहेरील भिंतीवरून १०१व्या मजल्यापर्यंत चढाई करताना दिसतो. क्षणभराची चूकही जीवघेणी ठरू शकणारी हे माहित असूनही तो स्वत:च्या कौशल्य आणि आत्मविश्वासाच्या जोरावर ही चढाई पूर्ण करताना दिसत आहे. हा थरारक स्टंट प्रेक्षक अक्षरश: श्वास रोखून पाहात आहे.

हा थरारक स्टंट Netflix साठी अधिकृतरीत्या चित्रीत करण्यात आला असून, त्याच फुटेजमधील क्लिप्स सध्या व्हायरल होत आहेत. मात्र तज्ज्ञांनी स्पष्ट केलं आहे की, अशी स्टंटबाजी सामान्य नागरिकांसाठी अत्यंत धोकादायक असून, केवळ अनुभवी आणि प्रशिक्षित व्यक्तींनीच अशा पराक्रमाचा प्रयत्न करावा.

जगप्रसिद्ध क्लायंबर Alex Honnold (World-Famous Climber Alex Honnold)

जगभरात फ्री सोलो क्लायंबिंगसाठी ओळखला जाणारा जगप्रसिद्ध क्लायंबर Alex Honnold पुन्हा एकदा चर्चेत आला आहे. यावेळी त्याने नैसर्गिक खडक नव्हे, तर थेट गगनचुंबी इमारतीवर धाडसी चढाई करत जगाचं लक्ष वेधून घेतलं आहे.

१०१व्या मजल्यापर्यंत जीवघेणी चढाई (Deadly Climb to the 101st Floor)

व्हायरल होत असलेल्या व्हिडिओमध्ये Alex Honnold याने तैवानमधील तैपेई शहरातील जगप्रसिद्ध तैपेई १०१ या गगनचुंबी इमारतीवर कोणतीही सुरक्षा साधने न वापरता केलेली चढाई केली आहे. कोणताही दोरखंड, हार्नेस किंवा सुरक्षा साधनांशिवाय थेट चढाई करताना दिसतो. हा थरारक व्हिडीओ पाहून अनेकांच्या अंगावर अक्षरशः काटा उभा राहिला असून, उंचीची भीती असणाऱ्यांनी तो पाहू नये, असा इशाराही नेटकऱ्यांकडून दिला जात आहे.

हेही वाचा

अत्यंत थरारक उंची (Extreme Fe/entities of Height)

साधारणपणे १०१ मजले लिफ्टने किंवा जिन्याने चढणेही दमछाक करणारे असते. मात्र हेच मजले इमारतीच्या बाहेरून, हात-पायांच्या आधारावर चढणे म्हणजे जीव धोक्यात घालण्यासारखेच. अ‍ॅलेक्स होन्नोल्ड यांनी ही अशक्यप्राय वाटणारी कामगिरी सहजतेने केली. त्यांच्या चेहऱ्यावर भीतीचा लवलेशही दिसत नसला, तरी व्हिडीओ पाहणाऱ्यांचे मात्र काळाजाचा ठोका चुकल्याशिवाय राहणार नाही.

जगप्रसिद्ध तैपेई १०१ (Iconic Taipei 101)

तैपेई १०१ ही जगातील सर्वात उंच इमारतींपैकी एक म्हणून ओळखली जाते. याच इमारतीवर चढाई करण्याचा निर्णय होन्नोल्ड यांनी घेतला. यापूर्वीही त्यांनी अनेक इमारती आणि डोंगरांवर धोकादायक चढाई केल्या आहेत. मात्र, इतक्या उंच आणि शहराच्या मध्यभागी असलेल्या इमारतीवर बाहेरून चढणे, ही बाब विशेष लक्षवेधी ठरली आहे.

गर्दीच्या मध्यभागी धाडस (Amidst City Buzz)

ही इमारत शहराच्या गजबजलेल्या परिसरात उभी आहे. खाली सततची रहदारी, लोकांची वर्दळ आणि वर चाललेली ही धाडसी चढाई—या साऱ्यामुळे प्रसंग अधिकच थरारक बनला. अ‍ॅलेक्स इमारतीवर चढत असताना, खाली जमलेली गर्दी डोळ्यांत भीती आणि कुतूहल दोन्ही घेऊन हा प्रसंग पाहत होती.

खाली दिसणाऱ्या ‘मुंग्या’ (Buildings Look Like Ants)

जसा-जसा अ‍ॅलेक्स वर चढत गेला, तसा आजूबाजूचा परिसर लहान होत गेला. खालील इमारती जणू मुंग्यांसारख्या भासू लागल्या. व्हिडीओतील हे दृश्य अनेकांसाठी सर्वाधिक धक्कादायक ठरले. इतक्या उंचीवरून खाली पाहण्याची कल्पनाच अंगावर शहारे आणणारी आहे.

Netflix वर थरारक फुटेज (Thrilling Netflix Footage)

हा संपूर्ण स्टंट Netflix वरील विशेष कार्यक्रमासाठी चित्रीत करण्यात आला असून, त्याच अधिकृत फुटेजमधील काही क्लिप्स सध्या सोशल मीडियावर वेगाने व्हायरल होत आहेत. या स्टंटदरम्यान Alex Honnold ने अत्यंत संयम, शारीरिक ताकद आणि मानसिक स्थैर्याचं दर्शन घडवलं आहे.

८९ व्या मजल्यावरून चित्रिकरण (Video Shot from 89th Floor)

व्हायरल झालेला व्हिडीओ ८९ व्या मजल्यावरून चित्रीत करण्यात आला आहे. तिथे अ‍ॅलेक्सला पाहण्यासाठी लोकांची गर्दी जमली होती. अखेर इमारतीच्या टोकावर पोहोचताच त्यांनी छतावरून सेल्फी घेतली. वरून दिसणारा शहराचा सुंदर दृश्य पाहण्यासारखे असले, तरी तो पाहण्याचे धैर्य सर्वांमध्ये नसते.

हेही वाचा

‘व्हिडीओ पाहूनच घाम फुटला’, सोशल मीडियावर चर्चा(Viewers React, Buzz on Social Media)

सोशल मीडियावर या व्हिडीओवर प्रचंड प्रतिक्रिया उमटत आहेत. अनेकांनी भीती वाटल्याची कबुली दिली आहे. “मला तर फक्त व्हिडीओ पाहूनच घाम फुटला,” अशी प्रतिक्रिया एका युजरने दिली आहे. अ‍ॅलेक्स होन्नोल्ड यांचे हे धाडस कौतुकास्पद असले, तरी ते पाहताना प्रेक्षकांच्या काळजाचा ठोका चुकत आहे, हे मात्र निश्चित.

हा थरारक स्टंट Video सध्या सोशल मीडियावर चर्चेचा विषय ठरला असून, अनेकजण Alex Honnold ला “खऱ्या आयुष्यातील स्पायडरमॅन” म्हणत आहेत. काहींनी त्याच्या धैर्याचं कौतुक केलं आहे, तर काहींनी सुरक्षेचा मुद्दा उपस्थित केला आहे.

हेही वाचा

सामान्यांसाठी धोक्याचा इशारा (Danger Warning for Public)

तज्ज्ञांच्या मते, हा पराक्रम फक्त प्रचंड अनुभव, प्रशिक्षण आणि मानसिक तयारी असलेल्या व्यक्तीलाच शक्य आहे. सामान्य नागरिकांनी अशा स्टंटचे अनुकरण करू नये, कारण यात जीवाला गंभीर धोका संभवतो.