Amazon Great Freedom Sale : ॲमेझॉनची ‘ग्रेट फ्रीडम सेल’ ७ ऑगस्टपासून सुरू होणार असून यात स्मार्टफोन, स्मार्ट टीव्ही, लॅपटॉप, वेअरेबल्स आणि इतर ग्राहक इलेक्ट्रॉनिक्स वस्तूंवर सवलती मिळणार आहेत. या सेलपूर्वी, ई-कॉमर्स प्लॅटफॉर्मने सॅमसंग, टीसीएल (TCL), शाओमी (Xiaomi), सोनी (Sony) आणि एलजी (LG) यांसारख्या ब्रँड्सच्या अनेक स्मार्ट टीव्हीच्या किमती जाहीर केल्या आहेत. या ऑफर्समध्ये विविध स्क्रीन आकारांमधील LED, QLED, Mini LED आणि Crystal 4K मॉडेल्सचा समावेश आहे. पात्र ग्राहक बँक आणि एक्सचेंज ऑफर्सचा वापर करून या टीव्हीची प्रत्यक्ष खरेदी किंमत आणखी कमी करू शकतात.
स्मार्ट टीव्हीवर कशाप्रकारे ऑफर्स असणार?
ॲमेझॉनने ‘ग्रेट फ्रीडम सेल’पूर्वी अनेक स्मार्ट टीव्हीवर सवलती जाहीर केल्या आहेत. त्यापैकी प्रमुख ऑफर्सपैकी एक म्हणजे,
- ५५ इंचाचा Xiaomi X 4K Smart Google LED TV आता ३१ हजार २४९ रुपयांना उपलब्ध असेल; याची मूळ किंमत ४८ हजार ९९९ रुपये इतकी आहे.
- सेलदरम्यान सॅमसंगचा ५५ इंचाचा Mini LED 4K Vision एआय टीव्ही ४१ हजार ९९० रुपयांना (मूळ किंमत ५९,९९० रुपये) उपलब्ध असेल. तसेच, ६५ इंचाचा TCL 4K QD-Mini LED गूगल टीव्ही ६१ हजार ९९९ रुपयांना मिळेल, ज्याची मूळ किंमत १,५२,९९० रुपये आहे.
- सोनीच्या ६५ इंचाच्या BRAVIA 3 4K LED गूगल टीव्ह च्या किमतीत मोठी कपात करण्यात आली असून, तो १ लाख ६४ हजार ९०० रुपयांऐवजी ८२ हजार २४० रुपयांना उपलब्ध असेल. ५५ इंचाचा LG 4K webOS LED TV देखील ८५ हजार ९९० रुपयांऐवजी ३८ हजार ४९० रुपयांना दिला जाईल.
- ॲमेझॉनने ४३ इंचाच्या Samsung Crystal 4K Vision एआय टीव्हीवरील ऑफरचीही झलक दाखवली आहे. मात्र त्याची अंतिम विक्री किंमत अद्याप जाहीर केलेली नाही. या टीझरवरून असे समजते की, सेलदरम्यान हा टीव्ही सवलतीच्या दरात उपलब्ध असेल.
सेलदरम्यान पात्र बँक कार्ड्सचा वापर करून ग्राहक खरेदीची प्रत्यक्ष किंमत आणखी कमी करू शकतात. ॲमेझॉनने निवडक क्रेडिट कार्ड आणि ईएमआय (EMI) व्यवहारांवर १० टक्क्यांपर्यंतची त्वरित सवलत आणि १० हजार ००० रुपयांपर्यंतच्या ऑफर्स जाहीर केल्या आहेत. अतिरिक्त फायद्यांमध्ये पहिल्या ऑर्डरवर मोफत डिलिव्हरी, डिलिव्हरीवर पेमेंट आणि पात्र खरेदीवर सुलभ रिटर्न यांचा समावेश आहे.
