फ्लाईटमध्ये प्रियकराचा झाला मोठा गेम, विमानात अचानक समोर आल्या तिन्ही गर्लफ्रेंड्स! पुढच्या काही मिनिटांत सर्व प्रवाशांसमोर काय घडलं पाहा, VIDEO व्हायरल

मिळालेल्या माहितीनुसार, एक तरुण आपल्या एका गर्लफ्रेंडसोबत गोवा ट्रिपसाठी विमानाने प्रवास करत होता. सुरुवातीला सगळं अगदी सामान्य वाटत होतं. प्रवासी आपापल्या सीटवर बसले होते, काही लोक मोबाईलमध्ये व्यस्त होते, तर काही प्रवासाचा आनंद घेत होते. मात्र, काही वेळातच अचानक वातावरण बदललं आणि सगळ्यांच्या नजरा एका तरुणाकडे वळल्या.

VIDEO मध्ये दिसतं की, त्या तरुणाची फ्लाईटमध्येच त्याच्या इतर दोन गर्लफ्रेंड्ससोबत अचानक भेट झाली. विशेष म्हणजे, या तिन्ही मुलींना त्या तरुणाच्या इतर रिलेशनशिपबद्दल काहीच माहिती नव्हती, त्यामुळे एकाच वेळी तिघींच्या समोर त्याचं गुपित उघड होताच विमानात एकच खळबळ उडाली.

सुरुवातीला त्या तिघी शांतपणे त्याला प्रश्न विचारताना दिसतात. मात्र, काही क्षणांतच वातावरण तापायला सुरुवात झाली. त्या तरुणाला एकामागून एक प्रश्न विचारले जाऊ लागले आणि त्याची चांगलीच तारांबळ उडाली. एकीकडे तो तिघींनाही समजावण्याचा प्रयत्न करत होता, तर दुसरीकडे तिन्ही मुलींचा राग वाढत चालला होता.

विमानातील इतर प्रवासी हा सगळा प्रकार पाहून थक्क झाले होते. काही लोक आश्चर्याने हा ड्रामा पाहत होते, तर काही जण दबक्या हसण्यात व्यस्त होते. काही प्रवाशांनी तर मोबाईलमध्ये या संपूर्ण घटनेचा VIDEO शूट करण्यास सुरुवात केली. काही वेळातच फ्लाईटमधील वातावरण पूर्णपणे बदलून गेलं.

VIDEO मध्ये एक एअर होस्टेस मध्ये पडून परिस्थिती शांत करण्याचा प्रयत्न करताना दिसते. ती तिन्ही मुलींना शांत राहण्याची विनंती करत होती. मात्र, त्यावेळी त्या इतक्या संतापलेल्या होत्या की कोणाचच ऐकायला तयार नव्हत्या. आपली फसवणूक झाल्याची भावना त्यांच्या चेहऱ्यावर स्पष्ट दिसत होती.

विशेष म्हणजे हा वाद फक्त शाब्दिक बाचाबाचीपर्यंतच मर्यादित राहिला. कुठेही मारहाण झालेली दिसत नाही. मात्र, काही काळ विमानात तणावपूर्ण वातावरण निर्माण झालं होतं. तरुणाची अवस्था पाहून काही प्रवासी हसत होते, तर काही लोक त्याच्याकडे आश्चर्याने पाहत होते.

हा VIDEO सोशल मीडियावर शेअर होताच काही वेळातच प्रचंड व्हायरल झाला. अनेकांनी या घटनेवर मजेशीर प्रतिक्रिया दिल्या आहेत. एका युजरने गमतीत लिहिलं की, काही लोकांना एकही गर्लफ्रेंड मिळत नाही आणि हा तर एकाच वेळी तिघींना डेट करत होता; तर दुसऱ्या एका व्यक्तीने एअरलाईन्सलाच दोष देत सगळ्यांची तिकिटं एकाच फ्लाईटमध्ये का बुक केली असा सवाल केला.

येथे पाहा व्हिडीओ

काही लोकांनी मात्र हा VIDEO स्क्रिप्टेड असू शकतो, अशी शक्यता व्यक्त केली आहे. सध्या हा प्रकार खरा आहे की फक्त मनोरंजनासाठी तयार करण्यात आला आहे, याबाबत कोणतीही अधिकृत माहिती समोर आलेली नाही. मात्र, हा VIDEO इंटरनेटवर प्रचंड चर्चेत असून, लोक तो पुन्हा पुन्हा पाहत आहेत.