Brother Protects Sister Amazing Video Viral : बहिण-भावाचं नातं खरोखरच खूप पवित्र आणि प्रेमळ असतं. ते भांडतात, ते मस्ती करतात पण त्यांच्यातील जिव्हाळा मात्र कमी होत नाही. भांडण जरी होत असलं तरीही गरज असेल तेव्हा हे दोघेही एकमेकांसाठी ढाल बनून राहतात. बहिण-भावाच्या अशाच एका प्रेमळ जोडीचा व्हिडीओ सोशल मीडियावर तुफान व्हायरल झाला आहे. ज्यामध्ये एक भाऊ आपल्या लहान बहिणीला सायकल सवारी करून सांभाळत असल्याचं पाहायला मिळत आहे.
‘जिंदगी गुलजार है’ या इन्स्टाग्राम पेजवर हा व्हिडीओ शेअर करण्यात आला आहे. व्हिडीओत तुम्ही पाहू शकता की, ९ ते १० वर्षांचा एक मुलगा सायकलवर लहान मुलीला मागच्या सीटवर बसवून प्रवास करत आहे. ती मुलगी त्या मुलाची बहिण आहे. असं या व्हिडीओच्या कॅप्शनमध्ये म्हटलं आहे. बहिण सायकलवर बसून भावाला घट्ट पकडून प्रवास करत असल्याचं व्हिडीओत दिसतंय. पण आपल्या लाडक्या बहिणीचे पाय चाकात अडकू नये, म्हणून भावाने भन्नाट जुगाड करून तिचे पाय रस्सीने सीटच्या दांडीला बांधले. अशाप्रकारे मोठ्या भावाने छोट्या बहिणीला सुरक्षित ठेवलं.
इथे पाहा व्हिडीओ
या व्हिडीओला सोशल मीडियावर खूप लाईक केलं जात आहे. व्हिडीओला ५२ हजारांहून अधिक लाईक्स मिळाले आहेत. एका यूजरने प्रतिक्रिया देत म्हटलं, असा भाऊ सगळ्यांना मिळावा. तर दुसऱ्या यूजरने म्हटलं, बहिण-भावाची जोडी किती सुंदर आहे. तर तिसऱ्याने म्हटलं, बहिणीचे पाय चाकात अडकू नये म्हणून रस्सीने बांधले आहेत.
