आयुष्यात वाढतील अडचणी, कायम राहाल चिंतेत; चुकूनही ‘या’ ४ लोकांची साथ देऊ नका; चाणक्य निती सांगते…

मूर्खशिष्योपदेशेन दुष्टास्त्रीभरणेन च।
दुःखितैः सम्प्रयोगेण पण्डितोऽप्यवसीदति॥

आचार्य चाणक्यांची लोकांमधील चांगले आणि वाईट गुण स्पष्ट केले आहेत. नीती ग्रंथात त्यांनी तुमच्यासाठी काय चांगले आहे आणि तुम्ही काय टाळावे याबद्दल भरपूर ज्ञान दिले. त्यांचा विश्वास होता की, जो व्यक्ती या चार गोष्टींपासून दूर राहत नाही. त्यांच्या भोवताली अनेक समस्या असतात. चला जाणून घेऊया की, या चार गोष्टींपैकी आचार्य चाणक्यांनी कोणत्या गोष्टी टाळल्या पाहिजेत ते…

आचार्य चाणक्यांचा विश्वास होता की, अज्ञानी विद्यार्थ्याला सल्ला देण्याचा काही उपयोग नाही. त्याला जे वाटते, तो फक्त तेच करतो. मूर्ख शिष्य कधीच कोणाचा सल्ला ऐकत नाहीत. जे ऐकत नाहीत त्यांना शिकवणे म्हणजे वेळेचा अपव्यय आहे. त्यामुळे अशा मूर्खांच्या मागे लागून आपला वेळ वाया घालवतात तर नेहमीच संकटात सापडाल.

चाणक्य म्हणतात ज्या स्त्रिया केवळ स्वतःच्या मर्जीनुसार वागतात, घरातील कोणाचेही ऐकत नाहीत, स्वतःलाही चुकीचे ठरवतात. अशा स्त्रिया कुटुंबाला बरोबर घेऊन जात नाहीत. स्त्रिया नवरा, मुले आणि आई-वडिलांचाही विचार करत नाहीत. त्यांच्यापासून दूर राहणे उचित आहे. अशा स्त्रिया स्वतःचे आणि आपल्या सभोवतालच्या लोकांचेही नुकसान करतात.

चाणक्य नीतीनुसार जी मंडळी नेहमी पैशाचाच विचार करत असतात, ज्यांना पैसे गमावण्याची भीती वाटते, महत्त्वाच्या गोष्टींवरही पैसे खर्च करणे टाळता येते. असे लोक सतत समस्यांनी घेरलेले असतात. संपत्तीचा योग्य व चांगल्या कामांसाठी उपयोग होत नाही. शेवटी, तुमच्या मृत्यूनंतरही तुमची संपत्ती इतरांच्याच उपयोगी पडते. त्यामुळे अनावश्यक खर्च टाळा आणि फक्त गरजेच्या ठिकाणीच पैसा खर्च करा.

आचार्य चाणक्य म्हणाले की, जे लोक सतत आपल्या समस्यांबद्दल तक्रार करतात आणि नकारात्मक बोलतात, त्यांच्यापासूनही आपण दूर राहिले पाहिजे. जेव्हा तुम्ही अशा लोकांच्या संगतीत असता, तेव्हा नकारात्मकता तुमच्यावर हावी होते आणि तुम्ही सकारात्मक विचार करू शकत नाही. कारण – ही मंडळी सतत समस्यांबद्दल बोलत राहतात. त्यामुळे त्यांच्यापासून दूर राहणेच योग्य आहे.

(टीप – या ठिकाणी दिलेली माहिती चाणक्य नीतीवर आधारित असून, ती केवळ माहितीसाठी देण्यात आली आहे. लोकसत्ता या गोष्टींना दुजोरा देत नाही.)