Demolition Viral Video Chhatrapati Sambhajinagar: लोकसभा निवडणुकीत भाजपाला बालेकिल्ला म्हणून ओळखल्या जाणाऱ्या उत्तर प्रदेशात बरेच धक्के बसले. स्वतः पंतप्रधान नरेंद्र मोदींना विजय प्राप्त झाला असला तरी मताधिक्य हे अगदी कमी असल्याचे हा धक्काच होता. शिवाय ज्या अयोध्या नगरीच्या राम मंदिराच्या बळावर भाजपाने मत मागितलं त्याच अयोध्यावासियांनी भाजपाच्या उमेदवाराला डावलून समाजवादी पक्षाच्या उमेदवाराला विजयी करून दिलं. या धक्कादायक निकालानंतर साहजिकच सोशल मीडियावर स्वयंघोषित तज्ज्ञांनी असं का झालं असावं याचे अंदाज व्यक्त केले. हे अंदाज व्यक्त करतानाच काही व्हिडीओजचा सुद्धा आधार घेण्यात आला. पण व्हिडीओजची नीट पडताळणी न केल्याने आता काही गोष्टी नव्याने समोर येत आहेत.

लाइटहाऊस जर्नालिज्मला अनेक सोशल मीडिया प्लॅटफॉर्मवर एक अतिक्रमण मोहिमेचा व्हिडिओ व्हायरल होत असल्याचे आढळून आले. वापरकर्ते दावा करत होते की व्हिडीओ अयोध्येचा आहे. व्हिडीओमध्ये काही नागरिक रडताना दिसतायत. यात हातात लहान बाळ घेऊन रडणारी एक महिला फार स्पष्टपणे दिसतेय. हे दृश्य तसे फारच वेदनादायक आहे पण यात कॅप्शनमध्ये अनेकांनी असा दावा केला आहे की लोकांच्या डोळ्यातील अश्रू दिसले नाहीत मग अयोध्या कशी जिंकता येईल? या कॅप्शनमधून काहींनी असं सुचवण्याचा प्रयत्न केलाय की हा व्हिडीओ मुळात अयोध्येचा आहे. पण आमच्या तपासात या व्हिडीओची खरी बाजू दिसून आली आहे.

navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Pune Porsche Accident Latest Updates in Marathi
Porsche Crash: “अपघातात दोघांना चिरडून ठार करणाऱ्या मुलावरही आघात झालाय, त्याला..” मुंबई उच्च न्यायालयाचं मत
Suryakumar Yadav and Rashid Khan Banter After Surya sweep Shot Video Viral
VIDEO: सूर्यकुमारच्या सारख्या फटक्यांमुळे रशीद वैतागला; थेट त्याच्याकडे जाऊन म्हणाला, “मला स्वीप मारणं बंद कर”!
Rape case Story
१२ व्या वर्षी गँगरेप, १३व्या वर्षी मातृत्त्व; २४ वर्षांनी त्याच मुलाने आईचे पांग फेडले, नराधमांना शोधून घेतला बदला!
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
What Kiran mane Said About Ketki Chitale?
केतकी चितळेला किरण मानेंचा सवाल, “अभिमानाने ‘चित्पावन कोकणस्थ ब्राह्मण’ जात सांगणारी ताई आता हिंदू..”

काय होत आहे व्हायरल?

X यूजर Hansraj Meena ने व्हायरल व्हिडीओ आपल्या प्रोफाइल वर शेअर केला.

इतर वापरकर्ते देखील असाच दावा करत पोस्ट शेअर करत आहेत.

तपास:

आम्ही InVid टूलमध्ये व्हिडीओ अपलोड करून आणि अनेक कीफ्रेम मिळवून आमचा तपास सुरु केला. त्यानंतर आम्ही कीफ्रेमवर गूगल रिव्हर्स इमेज सर्च केले. यामुळे आम्हाला २६ फेब्रुवारी २०२४ ला X वर केलेली एक पोस्ट आढळून आली.

यामुळे आम्हाला कळले की ही घटना जुनी आहे. या व्हिडिओवर ‘जयहिंद शकील खान’ नावाचा वॉटरमार्क होता.

आम्हाला इंस्टाग्रामवर या वापरकर्त्याचे प्रोफाइल सापडले. आम्हाला आढळले की वापरकर्ता लोकमत समूहाचा फोटो पत्रकार आहे. त्यांच्या प्रोफाइलमध्ये गेल्यावर आम्हाला इन्स्टाग्रामवर पोस्ट केलेली रील सापडली.

या प्रोफाइल वर अशी अजून एक रील होती

वापरकर्त्याच्या प्रोफाइलवर पोस्ट केलेल्या एका वृत्तात असे सुचवण्यात आले आहे की ही अतिक्रमण मोहीम मुकुंदवाडी रेल्वे स्थानकाजवळील छत्रपती संभाजी नगर (आधीचं औरंगाबाद) येथून विश्रांती नगरमध्ये आयोजित करण्यात आली होती. या वर्षी २२ फेब्रुवारी रोजी बातमी पोस्ट केली होती.

आम्हाला या घटनेबाबत अजून बातम्या मिळाल्या.

https://www.lokmattimes.com/aurangabad/chh-sambhajinagar-citizens-pelt-stones-at-officials-during-encroachments-removal-police-deploy-tear-a514
https://www.freepressjournal.in/pune/video-police-resort-to-lathi-charge-as-anti-encroachment-drive-turns-violent-in-chhatrapati-sambhajinagar

तपासाच्या पुढच्या टप्प्यात आम्ही शकील खान यांच्याशी संपर्क साधला, ज्यांनी हा व्हिडीओ पोस्ट केला होता. त्यांनी आम्हाला सांगितले की त्याने छत्रपती संभाजी नगर येथे २२ फेब्रुवारी रोजी अतिक्रमण मोहिमेचा व्हिडीओ काढला होता.

हे ही वाचा<< अकासा एअरच्या विमानात संस्कृतमध्ये घोषणा? Video पाहून नेटकऱ्यांना वाटतोय अभिमान पण ‘ही’ गोष्ट राहिली दुर्लक्षित

निष्कर्ष: महाराष्ट्रातील जुना व्हिडीओ, निवडणूक निकालानंतर अयोध्येमधील असल्याचा सांगून व्हायरल होत आहे. व्हायरल दावे दिशाभूल करणारे आहेत.