Couple Video Viral: प्रेमात माणसं काहीही करतात असं म्हटलं जातं. तसंच प्रेम करायला जागा अन् वेळ-काळ बघावा लागत नाही असंही म्हणतात. आपलं एखाद्या व्यक्तीवर प्रेम असलं की त्याच्यासमोर मनातलं सगळं व्यक्त करावं असं अनेकांना वाटत असतं.
प्रेम व्यक्त करण्यात काही चुकीचं नाही, पण आजूबाजूचं भान ठेवणंही तितकंच गरजेचं असतं. आपल्यामुळे दुसऱ्यांना त्रास होत नाही ना याची काळजी घेणं महत्त्वाचं असतं. पण, आजकाल तरुण-तरुणी कुठेही आपल्या मर्यादा ओलांडू लागले आहेत. कुठेही अश्लील कृत्य करू लागले आहेत. याचे अनेक व्हिडीओ सोशल मीडियावर व्हायरल होत असताना आपण पाहिलेच असतील. सध्या असाच एक व्हिडीओ सोशल मीडियावर व्हायरल होतोय, ज्यात एक कपल चक्क भरकॉन्सर्टमध्ये किस करताना दिसत आहेत.
भरकॉन्सर्टमध्ये कपलचे अश्लील चाळे
सोशल मीडियावर व्हायरल झालेल्या या व्हिडीओची चर्चा सध्या सर्वत्र सुरू आहे. एका ठिकाणी कॉन्सर्ट सुरू असताना भरगर्दीत एक कपल अश्लील चाळे करताना दिसत आहे. हजारोंच्या संख्येने या कॉन्सर्टमध्ये माणसं जमलेली दिसत आहेत. सगळेच आपल्या फोनमधून कॉन्सर्टचा व्हिडीओ काढण्यात मग्न आहेत. पण, यादरम्यान गर्दीचा फायदा घेत एक कपल किस करताना दिसतायत.
आजूबाजूचं भान न ठेवता हे कपल आपल्याच धुंदीत आहेत. सार्वजनिक ठिकाणी भरगर्दीत या कपलचा अश्लीलपणा सुरू आहे.
हा व्हायरल व्हिडीओ @khairahmed007 या इन्स्टाग्राम अकाउंटवरून शेअर करण्यात आला असून या व्हिडीओला तब्बल एक मिलियन व्ह्युज आले आहेत. दरम्यान, हा व्हिडीओ नेमका कुठला आहे हे अद्याप कळू शकले नाही.
युजर्सच्या प्रतिक्रिया
कपलचा हा व्हिडीओ पाहून अनेकांनी संमिश्र प्रतिक्रिया दिल्या आहेत. एका युजरने कमेंट करत लिहिलं, “एका कॉन्टेन्टसाठी लोकांचे आयुष्य उद्ध्वस्त करू नका” तर दुसऱ्याने “कॅमेरा मॅनने अगदी योग्य ठिकाणी फोकस केला आहे,” अशी कमेंट केली. तर एक जण कमेंट करत म्हणाला, “तुम्हाला इतरांचे व्हिडीओ रेकॉर्ड करण्याचा कोणताही अधिकार नाही”, तर “व्हिडीओ अपलोड करण्यापूर्वी तुम्ही त्यांच्याकडून संमती घेतली आहे का?” असा प्रश्न एकाने विचारला.
“रिलीज न झालेला चित्रपट लीक झाला?”, “यांना कसलं भानच नाही”, “तुम्ही व्हिडीओ का रेकॉर्ड केलात! तुम्ही त्यांना ओळखता का? तुम्ही त्यांच्या परवानगीने हे पोस्ट केले आहे का?”, “मौके पे चौका” अशा अनेक कमेंट्स या व्हिडीओला आल्या आहेत.
