समुद्र किनाऱ्यावर काकडी खाताना सावधान; फेरीवाल्याचा VIDEO पाहून सरकेल पायाखालची जमीन

सोशल मीडियावर सध्या एक व्हिडीओ जोरदार व्हायरल होत आहे, ज्यात समुद्रकिनाऱ्याजवळ एक फेरीवाल्याने काकडीवर थुंकी लावून, त्याला चमकदार आणि ताजे बनवण्याचा प्रयत्न करताना दिसतो. या व्हिडीओमध्ये मागून एक आवाज ऐकू येतो, पुढे समुद्र आहे भाई…”, आणि ही एक ओळ पाहणाऱ्यांमध्ये हसू आणि संताप यांचा विस्फोट घडवते.

व्हिडीओत दिसते की, एक तरुण समुद्राजवळ एका छोट्या टपरीवर काकडी विकत आहे. फेरीवाल्यामागे काही लोक फिरत आहेत, थांबत आहेत आणि कधी कधी ते नजरेत दिसत आहेत. फेरीवाला काकडीचा तोंडात घेत थुंक लावत असल्याचे हे दृश्य पाहून अनेक लोक घाबरले, काही जण हसले, तर काहींना राग आला. कारण- ही कृती केवळ विचित्र नाही, तर आरोग्यासाठीही धोकादायक ठरू शकते.

व्हिडीओ सोशल मीडियावर आला आणि लगेचच लोकांनी फेरीवाल्यावर संताप व्यक्त केला. काहींनी लिहिले, “म्हणून बाहेरची काकडी खात नाही”, तर काहींनी म्हटले, “आता काकडी खाताना भीती वाटायला लागली.” अनेकांनी या प्रकारावर कठोर कारवाई करण्याची मागणी केली. कारण- अशा कृतीमुळे जनस्वास्थ्य धोक्यात येते.

उन्हाळ्यात किंवा गर्दीच्या ठिकाणी फळे-भाजी विकणाऱ्यांनी स्वच्छतेकडे विशेष लक्ष द्यावे, असे अनेकांनी सांगितले. कारण- अशा पद्धतीने ताजेपण दाखवण्याचा प्रयत्न, प्रत्यक्षात आरोग्यास हानी पोहोचवू शकतो. त्यामुळे नागरिकांनी बाहेर खरेदी केलेल्या फळे आणि भाज्या नेहमी व्यवस्थित धुऊनच खाणे गरजेचे आहे.

व्हिडीओ इन्स्टाग्रामवर @khabar.ig या अकाउंटवरून शेअर करण्यात आला असून, सध्या लाखो लोकांनी हा पाहिला आहे. लोकांच्या प्रतिक्रिया सतत वाढत आहेत, काही हसत-खिदळत आहेत, तर काहींनी गंभीर संताप व्यक्त केला आहे.

ही घटना पुन्हा एकदा नागरिकांसाठी जागरूकतेचा धडा आहे. बाहेरून घेतलेली फळे-भाजी खाण्यापूर्वी नेहमी स्वच्छ धुऊनच खावी, अन्यथा आरोग्याच्या समस्या उद्भवू शकतात. समुद्राजवळील हे किळसवाणे दृश्य पाहून लोकांनी नुसते हसून दुर्लक्ष करण्याऐवजी सावधगिरी बाळगणे गरजेचे आहे.

येथे पाहा व्हिडीओ