बंगळुरुत अॅमेझॉनच्या पार्सल बॉक्समध्ये साप आढळल्याची घटना ताजी असताना आणि हर्षी चॉकलेटमध्ये मृत उंदीर तसंच आईस्क्रीममध्ये बोट आढळल्याचे प्रकार उघड झाले असताना आता अशीच एक बातमी गुजरातमधून समोर आली आहे. अहमदाबाद येथील प्रसिद्ध देवी रेस्तराँमध्ये सांबाराच्या वाटीत उंदीर आढळून आला आहे.

गुजरातमधल्या देवी रेस्तराँमधला प्रकार

अहमदाबाद येथील देवी डोसा रेस्तराँ हे प्रसिद्ध रेस्तराँ आहे. या ठिकाणी अनेक लोक आवडीने पदार्थ खायला येत असतात. याच हॉटेलमध्ये सांबारात मृत उंदीर आढळल्याने खळबळ उडाली आहे. या ठिकाणी ईडली, डोसा, उत्तपा तसंच इतर दाक्षिणात्य पदार्थ खायला मिळतात आणि लोकांची या ठिकाणी गर्दी होते. अहमदाबाद येथील निकोल भागात देवी डोसा सेंटर हे प्रसिद्ध रेस्तराँ आहे. या रेस्तराँमध्ये नाश्ता करण्यासाठी अनेकदा लोक येतात. इथल्या खास चवीमुळे हे रेस्तराँ प्रसिद्ध आहे असंही सांगितलं जातं. याच रेस्तराँमध्ये ही घटना घडली आहे.

navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Animal Video
जंगलात ठेवला होता आरसा; स्वतःला पाहून बिबट्याने जे केले ते पाहून तुम्हीही जोरजोरात हसायला लागाल!
Pune Porsche Accident Latest Updates in Marathi
Porsche Crash: “अपघातात दोघांना चिरडून ठार करणाऱ्या मुलावरही आघात झालाय, त्याला..” मुंबई उच्च न्यायालयाचं मत
Rushi Konda Palace controversy erupted
आंध्र प्रदेशातील ५०० कोटींच्या पॅलेसची चर्चा! वादाच्या भोवऱ्यात का अडकलाय ‘राजमहाल’?
CCTV Footage Burger King 26 Year Old Guy Shot 38 Bullets
“हा सूड होता”, म्हणत बर्गर किंगमध्ये ३८ गोळ्या झाडून तरुणाची हत्या! CCTV फुटेजमध्ये दिसली ‘मिस्ट्री गर्ल’; वाचा घटनाक्रम
What happens to your body when you have sex every day
रोज सेक्स केल्याने शरीर, मन व नात्यात काय बदल होतात? थट्टा, मस्करी न करता डॉक्टरांनी दिलेली ही माहिती वाचा
Suryakumar Yadav and Rashid Khan Banter After Surya sweep Shot Video Viral
VIDEO: सूर्यकुमारच्या सारख्या फटक्यांमुळे रशीद वैतागला; थेट त्याच्याकडे जाऊन म्हणाला, “मला स्वीप मारणं बंद कर”!
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल

हे पण वाचा- बापरे बाप! Amazon चं पार्सल उघडताच बाहेर आला साप, दाम्पत्याची घाबरगुंडी, कंपनीने दिलं ‘हे’ उत्तर

नेमकं काय घडलं?

देवी रेस्तराँमध्ये एका ग्राहकाने डोसा आणि ईडली मागवली. त्यातल्या सांबार वाटीत उंदीर आढळला. यानंतर या ग्राहकाने अहमदाबाद महापालिकेत धाव घेतली आहे. अन्न आणि औषध प्रशासनाकडे आणि आरोग्य विभागाकडे तक्रार केली आहे. त्यानंतर आरोग्य विभागाने या रेस्तराँला नोटीस बजावली आहे. या रेस्तराँची जेव्हा पाहणी केली तेव्हा सांबार आणि चटणीयांसारखे पदार्थ उघड्यावर ठेवल्याचंही दिसून आलं. या ठिकाणाहूनच ते लोकांना दिले जात होते असंही दिसतं आहे. त्यामुळे या ठिकाणी उंदीर पडला असण्याची शक्यता आहे असंही लोक व्हिडीओ पाहून म्हणत आहेत. अहमदाबाद अपडेट्स या इंस्टाग्राम पेजवर हा व्हिडीओ पोस्ट करण्यात आला आहे.

भाविन जोशी यांनी काय सांगितलं?

अन्न सुरक्षा अधिकारी भाविन जोशी यांनी घडल्या प्रकाराबाबत ANI ला सांगितलं की , अहमदबाद महापालिकेने या प्रकरणी तातडीने लक्ष घातलं पाहिजे. तसंच अशा घटना टाळण्यासाठी आणि ग्राहकांना त्रास होऊ नये यासाठी प्रयत्न केले पाहिजेत.

व्हिडीओवर लोकांच्या प्रतिक्रिया काय?

ज्या ग्राहकाला हा अनुभव आला त्याने या घटनेचा व्हिडीओ सोशल मीडियावर पोस्ट केला आहे. सांबारात पडलेल्या या उंदराचा व्हिडीओ सोशल मीडियावर व्हायरल होतो आहे. त्यावर लोक विविध कमेंटही करत आहेत. टेबलाखालून पैसे घेऊन असल्या हॉटेल्सना संमती देऊ नका आणि लोकांच्या जिवाशी खेळ करु नका असं काही नेटकऱ्यांनी म्हटलं आहे.असल्या हॉटेल्समध्ये जाण्यापेक्षा महाग हॉटेल्समध्ये गेलं पाहिजे असाही सल्ला काहींनी दिला आहे. खाण्याचा दर्जा दिवसेंदिवस बिघडत चालला आहे असंही काहींनी म्हटलं आहे.