दिल्लीच्या मुखर्जी नगरमध्ये बुधवारी संध्याकाळी चार मजली पेइंग गेस्ट (पीजी) सुविधा असलेल्या बिल्डिंगमध्ये आग लागल्याची घटना घडली. या इमारतीमध्ये एका चिमुकल्याबाळासह ७ जण अडकले होते. दिल्ली पोलिसमधील एका अधिकाऱ्यानेने २ वर्षाच्या चिमुकल्या बाळासह सर्वांना वाचवण्याचे काम केले आहबे. या इमारतीत सुमारे ३५ मुली राहात होत्या, ज्या जवळच्या परिसरातच प्रशिक्षण घेत होत्या.
आग लागल्यानंतर काही मुली सुरुवातीला पळून बाहेर पडण्यात यशस्वी झाल्या, तर एका मजल्यावर सात जण अडकले होते, ज्यात अंबी या नावाच्या २ वर्षाच्या मुलीचाही समावेश होता. दरम्यान शेजाऱ्यांनी तातडीने वीज पुरुवठा खंडित करून अग्निशमन दलाला माहिती दिली.
दिल्ली अग्निशमन दल तातडीने घटनास्थळी पोहोचले आणि बाथरूममधील खिडकी तोडली, ज्यामुळे ताजी हवा येऊ शकेल. दरम्यान, अडकलेल्या मुलींनी आगीच्या ज्वाळांपासून बचाव करण्यासाठी स्वतःला पाण्याने ओले केले होते.
हेही वाचा – ”ताई, तुला मानाचा मुजरा”, एका हातानेच ढोल वादन करणाऱ्या तरुणीचा व्हिडीओ व्हायरल, लोकांनी तिच्या जिद्दीचे केले कौतूक
दरम्यान, पीजी इमारतीला जोडलेल्या शेजारच्या घरात प्रवेश केला, एक भिंत तोडली आणि आगीवर नियंत्रण मिळवले. त्यानंतर धुरामुळे अर्धवट बेशुद्ध अवस्थेत असलेल्या अंबीसह सर्व मुलींना त्यांनी यशस्वीरित्या बाहेर काढले.
यानंतर अजमेर सिंग या पोलीस अधिकाऱ्याने अंबीला तातडीने उपचारासाठी जवळच्या रुग्णालयात नेले. अजमेरने असेही स्पष्ट केले की, ”जेव्हा अंबी प्रतिसाद देत नव्हती तेव्हा मी खूप घाबरलो बोको. मात्र जेव्हा तिच्यावर प्राथमिक उपचार करण्यात आले आणि ती रडली तेव्हा मी खूप भावुक झालो. त्या मुलीचा पुनर्जन्म झाल्यासारखे वाटले,”
हेही वाचा – ”लग्नासाठी मुलगी पाहिजे पण आई…” ढोलवादकाने हटके स्टाइलमध्ये घातली लग्नाची मागणी, अट एकच; VIDEO तुफान व्हायरल
अंबीच्या आईने खुलासा केला की, ”ती बाजारात गेली असताना तिला पीजीमध्ये तिच्या मावशीकडे सोडले होते. आगीची माहिती मिळताच, तिने घटनास्थळी धाव घेतली आणि आपल्या बाळाचे प्राण वाचवल्याबद्दल अजमेरचे आभार मानले आणि त्याला ” साक्षात देवाचा अवतार” आहे असे म्हटले.
