कोरोना काळापासून घरातून काम करण्याची नवीन पद्धत उदयास आली आहे. त्यामुळे अनेक कर्मचारी ऑफिसला जाण्याऐवजी ‘वर्क फ्रॉम होम’ पद्धतीनेच काम करणं पसंद करतात. आता कोरोनाचा संसर्ग बऱ्यापैकी संपला असला तरीही अनेक कर्मचारी घरूनच काम करतात. पण सध्या ‘वर्क फ्रॉम होम’च्या नावाखाली लोकांची फसवणूक करणाऱ्या काही टोळ्या तयार झाल्याचंही पाहायला मिळत आहे. सोशल मीडियावर वर्क फ्रॉम होमच्या नावाखाली लोकांना नोकऱ्या देण्याचं आश्वासन दिलं जात आणि त्यांची आर्थिक फसवणूक केल्याची अनेक उदाहरण समोर येत आहेत.

सध्या अशीच एक घटना दिल्लीत घडली आहे. ज्यामध्ये एका तरुणाला नोकरी देण्याच्या नावाखाली त्याची जवळपास ९ लाख रुपयांची फसवणूक केली आहे. तरुणाची फसवणूक करण्याऱ्या २ आरोपींना पोलिसांनी अटकही केली आहे. अटक केलेल्या आरोपींची नावं अंकीत (३० ) आणि सुधीर कुमार (४५ ) अशी आहेत. मिळालेल्या माहितीनुसार, अंकीत आणि सुधीर या दोघांनी मिळून हरिन बन्सल नावाच्या तरुणाची ९ लाख रुपयांची फसवणूक केली. शिवाय त्यांनी या तरुणाला काम देतो असं सांगून त्याच्याकडून पैसे उकळल्याचंही उघडकीस आलं आहे.

india shining bjp 2004, bjp lok sabha marathi news
‘अबकी बार ४०० पार’चं काय झालं? ‘इंडिया शायनिंग’ का फसलं होतं?
amol kolhe, amol kolhe taking 5 years break from acting, shirur lok sabha seat, shivajirao adhalrao patil, Shivajirao adhalrao patil criticize amol kolhe, marathi news, lok sabha 2024, election news,
पुणे : ‘अमोल कोल्हे’ मालिकांमधून संन्यास घेणार ? आढळराव व्हिडिओ दाखवत म्हणाले, हा तर चुनावी जुमला!
MP Prajwal Revanna Sex Scandal case
“आमच्यावर दबाव…”, प्रज्ज्वल रेवण्णा सेक्स स्कँडल प्रकरणातील महिलांचा वेगळाच दावा
somaiya school principal parveen shaikh sack over hamas posts
पॅलेस्टाईन-इस्त्रायल संघर्षासंदर्भात पोस्ट : सोमय्या शाळेने मुख्याध्यापिकेला नोकरीवरून काढले
people cheated, tourism,
दक्षिण आफ्रिकेतील पर्यटनाच्या नावाखाली १० जणांची फसवणूक, ३२ वर्षीय व्यक्तीविरोधात गुन्ह दाखल
Ujjwal Nikam, traitor, vijay wadettiwar,
उज्ज्वल निकम देशद्रोही! वडेट्टीवार यांचा आरोप, म्हणाले, “दहशतवादी कसाबबद्दल…”
Preparation of candidates spending up to 25 lakh rupees for election campaign through Reels star
‘रील्सस्टार’द्वारे निवडणूक प्रचारासाठी २५ लाख रुपयांपर्यंत खर्चाची उमेदवारांची तयारी
iran women hijab
हिजाब न घातल्याने महिलांना लाथा-बुक्क्यांनी मारहाण, इराणमध्ये नक्की काय घडत आहे?

हेही पाहा- महिलेने ऑर्डर केलेल्या जेवणात आढळला मेलेला उंदीर, रेस्टॉरंटमधील किळसवाणा Video व्हायरल

नेमकी कशी केली फसवणूक –

या घटनेची माहिती देताना दिल्ली पोलिसांनी सांगितले की, अंकित आणि सुधीरने सोशल मीडियावर एक नोकरीसंदर्भातील पोस्ट शेअर केली होती. या पोस्टमध्ये त्यांनी घरी बसून काम करा आणि पैसे कमावा अशी ऑफर दिली होती. ही पोस्ट पाहून हरीनने त्यांनी दिलेल्या लिंकवर क्लिक केलं. त्यानंतर त्याने वेबसाइटवर स्वत:ची सर्व माहिती शेअर केली. व्हॉट्सअॅपच्या मदतीने हरीनने त्याची संपूर्ण माहिती अंकीत आणि सुधीरला दिली. त्यानंतर आरोपींनी हरीनला दिलेल्या लिंकवर पैसे जमा करायला सांगितले.

हेही पाहा- स्टेशनवरील LED स्क्रिनवर अचानक पॉर्न Video चालू झाला अन्…, रेल्वेचा भोंगळ कारभार; प्रवाशांची शरमेने झुकली मान

त्यानुसार हरीननेदेखील काही पैसे लिंकवर जमा केले. सुरुवातीला हरीनने भरलेली काही रक्कम त्याला कमिशनसहीत परत मिळाली. त्यामुळे त्याचा त्या दोघांवर चांगला विश्वास बसला, पण जेव्ही हरीनने ९ लाख ३२ हजार रुपये त्यांच्या लिंकवर जमा केले आणि त्याने ते पैसे काढण्याचा प्रयत्न केला, तेव्हा मात्र ते निघत नसल्याचं त्याच्या लक्षात आलं. शिवाय आपली फसवणूक झाल्याचंही हरीनच्या लक्षात आलं. त्यामुळे त्याने लगेच पोलिसांत धाव घेतली आणि घडलेला सर्व प्रकार पोलिसांना सांगितला. त्यानुसार पोलिसांनी तक्रार दाखल केली आणि आरोपींना शोधून काढलं. तर ही दोन्ही आरोपी उत्तर प्रदेशीतील बागपत येथील रहिवासी असल्याचंही पोलिसांनी सांगितलं आहे.