दिल्ली मेट्रोत प्रवास करताना कधी ना कधी थोडा तणाव होतोच, पण काही वेळा हा तणाव इतका वाढतो की सगळे प्रवासी घाबरून जातात. अलीकडेच सोशल मीडियावर एक व्हिडीओ खूप व्हायरल झाला आहे. यात एक साधा प्रवास कसा मोठ्या भांडणात बदलतो आणि मारामारी पोहचतो हे दिसतं. मेट्रोत बसलेले लोक सुरुवातीला शांत असतात, पण लहान कारणांवरून वाद सुरू होतो आणि सगळ्यांवर परिणाम होतो. हा व्हिडीओ आपल्याला सांगतो की, सार्वजनिक ठिकाणी संयम ठेवणं किती महत्त्वाचं आहे, नाहीतर साधं भांडणही मोठं बनू शकतं.
हा व्हिडीओ दिल्ली मेट्रोमध्ये घडलेल्या सीटच्या जागांवरून झालेल्या वादावरचा आहे. प्रवाशांमध्ये जागेवरून भांडण सुरू होतं आणि दोन लोक एकमेकांवर ओरडायला लागतात. व्हायरल झालेल्या या व्हिडीओत एक तरुण आणि दुसरी थोड्या मोठ्या वयाचा व्यक्ती भांडताना दिसते. भांडण इतकं वाढतं की शेवटी दोघांमध्ये हातापाई होते आणि इतर प्रवासीसुद्धा या वादात अडकलेले दिसतात.
व्हिडीओमध्ये एक तरुण जोरात ओरडतो, “काकांनी मला घाण शिव्या दिल्या” हे ऐकूनच दोघांमध्ये जोरदार भांडण सुरू होतं. तरुण हात उचलून मारण्याचा प्रयत्न करतो, मोठी माणस त्याला लाथ मारून खाली पाडतात. नंतर तरुणासोबतचा दुसरा माणूस या वयस्क व्यक्तीचे केस पकडतो आणि दोघे मिळून त्याची धुलाई करतात.
पाहा व्हिडीओ
या सगळ्यामुळे मेट्रोतील इतर प्रवासी घाबरतात. काही लोक मागे हटतात, तर काही लोक दोघांना शांत करण्याचा प्रयत्न करतात. तरुण सतत ओरडतो, “मां की गाली देगा?” आणि राग दाखवतो, त्यामुळे मेट्रोमध्ये तणावाचे वातावरण तयार होते. सोशल मीडियावर हा व्हिडीओ शेअर झाल्यानंतर अनेक लोकांनी त्यावर आपले मत व्यक्त केले आहे. काहींना हे भांडण खूप हास्यास्पद वाटले, तर काहींनी या घटनेला गंभीर मानले आणि लोकांना संयम ठेवण्यास सांगितले.
अनेकांनी म्हटले की, “एवढ्या छोट्या गोष्टीवर हात उचलणे चुकीचे आहे,” तर काहींनी लिहिले, “असे वागणारे लोक सार्वजनिक ठिकाणी सुसंगत राहायला हवे.” काहींनी मेट्रोच्या सुरक्षा कर्मचार्यांवर प्रश्नचिन्ह उपस्थित केले की, अशा प्रसंगांमध्ये त्यांनी हस्तक्षेप का केला नाही.या व्हिडीओतून असं दिसून येतं की सार्वजनिक ठिकाणी शांतता राखणे किती महत्त्वाचं आहे. छोट्या वादातून मोठ्या हातापाईपर्यंत पोहोचणं हे प्रवाशांच्या सुरक्षिततेसाठी धोकादायक ठरतं.
