Viral Video : सोशल मीडियावर कधी थक्क करणारे तर कधी धक्कादायक व्हिडीओ व्हायरल होत असतात. सध्या असाच एक व्हिडीओ व्हायरल होत आहे. हा व्हिडीओ पाहून तुम्हीही आश्चर्य व्यक्त कराल. या व्हिडीओमध्ये माणूस नाही तर चक्क कुत्रा सिगारेट ओढत आहे. तुम्ही वाटेल, हे कसं शक्य आहे? पण हे खरं आहे.धुम्रपान करणे हे आरोग्यासाठी चांगले नाही पण माणूस नाही तर चक्क कुत्रा धुम्रपान करत असेल तर काय म्हणावं?सध्या हा व्हिडीओ चांगलाच चर्चेत आहे. हेही वाचा : Optical Illusions : तुम्हाला या फोटोत ससा दिसतोय की बदक? एकदा क्लिक करून नीट पाहा… व्हिडीओमध्ये तुम्हाला दिसेल की एक कुत्रा गार्डनमध्ये एका कोपऱ्यात लपून बसला आहे आणि स्टाइलने सिगारेट ओढतो आहे. त्याने आपल्या पुढच्या पायाच्या बोटांमध्ये सिगारेट धरली आहे आणि तोंडाने सिगारेट ओढून धूर बाहेर सोडतो. हा संपूर्ण व्हिडीओ थक्क करणारा आहे. chaudharyarvind768 या इंस्टाग्राम अकाउंटवरुन हा व्हिडीओ शेअर करण्यात आला असून यावर नेटकरी वेगवेगळ्या प्रतिक्रिया देत आहे. अनेक यूजर्सला व्हिडीओ पाहून धक्का बसला आहे. हेही वाचा : आईचं प्रेम पाहून व्हाल भावुक! बससाठी पैसे नसताना मुलीला भेटायला ‘अशी’ गेली दिव्यांग महिला; १७० किमी केला एकटीने प्रवास सिगारेट ओढणे, हे शरीराच्या आरोग्यासाठी हानिकारक आहे. माणसाप्रमाणे प्राण्यांसाठीही हा नियम तितकाच लागू होतो. अशाप्रकारे कुत्र्याने सिगारेट ओढणे, हे दृश्य विचलित करणारे आहे. मुळात कुत्र्याने कुणाला सिगारेट ओढताना बघून ही नक्कल केली असू शकते किंवा कुत्र्याला सिगारेट ओढणे शिकवले असेल, अशी शक्यता नाकारता येत नाही.
