‘वन चाय प्लीज’ म्हणत मायक्रोसॉफ्टच्या सीईओने नागपूरच्या डॉली चायवाल्याने बनविलेल्या चहाचा आस्वाद घेतल्याचा व्हिडीओ अगदी काही दिवसांपूर्वीच सोशल मीडियावर तुफान व्हायरल झाला होता. अनेक नेटकऱ्यांना हा व्हिडीओ खोटा आहे, एआयनिर्मित आहे की काय, अशी शंकादेखील आली होती. मात्र, खुद्द बिल गेट्सच्या अधिकृत इन्स्टाग्राम अकाउंटवरून तो व्हिडीओ शेअर करण्यात आला होता. त्यामुळे कोणत्याही शंकेला जागाच उरली नव्हती.

चहा बनविणाऱ्या डॉलीची विशेष आणि आगळीवेगळी ‘स्टाईल’ पाहून त्याला हैदराबादच्या मायक्रोसॉफ्टच्या ऑफिसमध्ये खास बिल गेट्ससाठी चहा बनविण्यासाठी बोलावून घेण्यात आले होते. तसेच, ऑफिसमध्येच त्याच्यासाठी चहा टपरीची सर्व तयारी करून देण्यात आली होती. त्यानंतर डॉलीने बनविलेल्या चहाचा बिल गेट्सने आस्वाद घेतल्याचा व्हिडीओ आपण सर्वांनीच पाहिला आहे. मात्र, आता ही जोडी ‘अमूल’मुळे पुन्हा चर्चेत आलेली आहे.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Dolly chaiwala and bill gates amul doodle went viral on social media netizens are amazed check out the photo dha
First published on: 04-03-2024 at 13:36 IST