कॅन्सरग्रस्त वडिलांचा डोळ्यातून पाणी आणणारा VIDEO; ऐकाच, जग सोडण्यापूर्वी मुलाला काय म्हणाले…

मृत्यू समोर उभा आहे; पण…

कॅन्सरसारख्या असाध्य रोगाविरुद्धची लढाई हरत असलेल्या एका पित्याने, आपला जीव सोडण्यापूर्वी आपल्या मुलाला काही महत्वाचे सल्ले दिले आहे. मृत्यू समोर उभा आहे; पण त्या वडिलांना एकच चिंता आहे की, त्यांच्या निष्पाप मुलांचे भविष्य कसे असेल…?

व्हायरल व्हिडीओमध्ये तुम्ही पाहू शकता की, कॅन्सरच्या शेवटच्या टप्प्यामध्ये झुंज देणारे वडील अत्यंत गंभीर अवस्थेत आहेत. त्यांचे शरीर साथ देत नाहीये आणि मृत्यू अगदी जवळ आला आहे. त्या क्षणीसुद्धा त्या वडिलांचे हृदय आपल्या निष्पाप मुलासाठी तळमळत आहे. अखेरचा श्वास घेण्यापूर्वी, त्या वडिलांनी आपल्या लाडक्या मुलाला जवळ घेतले आणि त्याला एक महत्त्वाचा सल्ला दिला, जो तो कधीही विसरणार नाही. हे दृश्य पाहून कोणाच्याही डोळ्यांत सहज अश्रू येतील.

अखेरच्या क्षणी वडिलांनी कुटुंबाची मोठी जबाबदारी आपल्या मुलावर सोपवली. मी गेल्यानंतर पुढे काय करायचे आहे, हे त्यांनी मुलाला प्रेमाने समजावून सांगितले. त्यांनी आपल्या मुलाला स्पष्टपणे सांगितले की, तो आईच्या प्रत्येक आज्ञेचे पालन कर आणि तिला कधीही त्रास देऊ नकोस. त्यांनी मुलाला आठवण करून दिली की, त्याला आपल्या दोन लहान बहिणींचेही रक्षण आणि संगोपन करायचे आहे. हे सांगताना वडिलांनी अश्रू दाटून येत होते; पण ते कसेबसे आवरत ते म्हणाले, “तू किती चांगला आणि हुशार मुलगा आहेस ना? मग का रडतोयस?”

“जेव्हा कधी त्याला वडिलांची आठवण येईल, तेव्हा…”

या व्हिडीओमधील त्यांनी मुलाला प्रेमाने समजावून सांगितले की, जरी ते कधी त्याच्यापासून दूर गेले, तरी ते कुठे आहेत याबाबतचा विचार त्याने करू नये. त्यांनी मुलाला पटवून दिले की, जेव्हा कधी त्याला वडिलांची आठवण येईल, तेव्हा ते नेहमी त्याच्यासाठी हजर असतील.

वडिलांचा अतिशय भावनिक असा हा व्हिडीओ इन्स्टाग्रामवर zindagi.gulzar.h नावाच्या अकाउंटवरून पोस्ट करण्यात आला आहे. तो पाहून अनेकांना अश्रू आवरणे अवघड झाले आहे. प्रत्येक जण या असहाय; पण खंबीर वडिलांच्या धैर्याचे कौतुक करीत आहे. या जगात आई-वडिलांच्या प्रेमापेक्षा अधिक मौल्यवान काहीही नाही, असे म्हणत लोक सोशल मीडियावर त्या मुलासाठी आणि त्याच्या कुटुंबासाठी प्रार्थना करीत आहेत.