‘या’ क्रिकेटरला व्हायचंय लंडनचा महापौर

आपल्याला महापौरपदाच्या स्पर्धेत उतरायला आवडेल असंही त्या क्रिकेटपटूनं सांगितलं.

इंग्लंडच्या फिरकीपटूने लंडनचा महापौर होण्याची इच्छा व्यक्त केली आहे. फिरकीपटू माँटी पानेसारने आपल्याला लंडनचा महापौर बनण्याची इच्छा असल्याचे म्हटलं आहे. इंग्लंडचे महापौर सादिक खान यांचा कार्यकाळ पूर्ण होणार आहे. त्यामुळे या महापौरपदाच्या स्पर्धेत आपल्याला उतरायला आवडेल असं मॉन्टी पानेसार म्हणाला.

“मी लंडनचा रहिवासी आहे आणि राजकारणाची मला आवड आहे. जर मी निवडणूक लढवली, तर तुम्ही मला मत द्याल का?” असा सवाल मॉन्टी पानेसारने केला. लव स्पोर्ट्स रेडिओवरील एका कार्यक्रमादरम्यान तो उपस्थित होता. लंडनमध्ये 7 मे 2020 रोजी महापौरपदासाठी निवडणुका पार पडणार आहे. तसंच यावेळी लंडन असेंबलीच्या निवडणुकाही पार पडणार आहेत. सध्या लेबर पार्टीच्या सादिक खान यांच्या खांद्यावर महापौरपदाची जबाबदारी आहे. ते 2016 मध्ये महापौरपदी विराजमान झाले होते.

दुसरीकडे मॉन्टी पानेसारने पुन्हा क्रिकेट खेळण्याची इच्छाही व्यक्त केली आहे. “मला पुन्हा एकदा क्रिकेटच्या मैदानावर उतरण्याची इच्छा आहे. सध्या मी माझ्या फिटनेसवरही काम करत आहे. काऊंटी क्रिकेटमध्ये मला संधी मिळेल अशी अपेक्षा आहे. मी लंडनमध्येच राहतो हळूहळू राजकारणातही प्रवेश करण्याचीही इच्छा आहे. लंडनच्या महापौर बनण्याची ही योग्य संधी आहे,” असंही तो यावेळी म्हणाला. मॉन्टी पानेसारने इंग्लंडसाठी 50 कसोटी सामन्यांमध्ये 167 विकेट्स घेतल्या आहेत. तर 26 एकदिवसीय सामन्यांमध्ये त्याच्या नावे 24 विकेट्स आहेतत. 2006 मध्ये नागपूरमध्ये भारताविरोधात कसोटी सामन्यातून त्यानं पदार्पण केलं होतं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: England cricketer spinner monty panesar wants to be london mayor jud

Next Story
पाहा: वधू आणि तिच्या भावाचा संगीत सोहळ्यातील धम्माल परफॉर्मन्सBride and brother pull of epic wedding dance , संगीत सोहळा, video goes viral , bride and her brother perform a Bollywood medley at the Sangeet, Loksatta, Loksatta news, Marathi, marathi news
ताज्या बातम्या