Escalator Fight Video Viral: सोशल मीडियावर दररोज काही ना काही व्हायरल होत असतं, कधी मजेशीर, कधी आश्चर्यकारक, तर कधी धक्कादायक. पण, सध्या व्हायरल होत असलेला एक व्हिडीओ लोकांना अक्षरशः थांबून पाहायला भाग पाडत आहे. कारण या व्हिडीओमध्ये दिसतंय काहीतरी असं, जे पाहून तुम्हालाही क्षणभर धक्का बसेल…
घटना एका मेट्रो स्थानकावरील एस्केलेटरवर घडल्याचं दिसतं. सुरुवातीला सगळं काही अगदी सामान्य वाटतं. एक महिला एस्केलेटरवर शांतपणे उभी असते, तर दुसरी महिला खाली उभी असते. पण, अचानक काहीतरी घडतं… आणि वातावरण क्षणात तापतं!
खाली उभी असलेली महिला अचानक धावत एस्केलेटरवर चढते आणि वर उभ्या असलेल्या महिलेचे केस जोरात पकडते. ती एवढ्यावरच थांबत नाही तर ती तिला खेचून खाली ओढते, ज्यामुळे ती महिला तोल जाऊन खाली पडते. काही क्षणांसाठी सगळेच थक्क होतात, पण पुढे जे घडतं ते आणखी चकित करणारं असतं…
खाली पडलेली महिला ताबडतोब उठते आणि पुन्हा त्या महिलेवर झेप घेते. मग सुरू होते खरी झोंबाझोंबी! दोघी एकमेकींचे केस ओढत, ढकलाढकली करत कधी एस्केलेटरवर चढतात तर कधी खाली उतरतात; हा सगळा प्रकार काही क्षणांतच गोंधळात बदलतो.
आश्चर्याची गोष्ट म्हणजे आजूबाजूला उभे असलेले लोक हा प्रकार बघत राहतात. अनेक जण मोबाईल काढून व्हिडीओ शूट करताना दिसतात, पण मध्यस्थी करण्यासाठी कोणीही पुढे येत नाही, त्यामुळे हा प्रसंग आणखी गंभीर बनतो.
हा व्हिडीओ सोशल मीडियावर वेगाने व्हायरल होत असून हजारो लोकांनी तो पाहिला आहे. वेगवेगळ्या प्लॅटफॉर्मवर ही क्लिप शेअर केली जात आहे. काहींनी यावर तीव्र प्रतिक्रिया दिल्या आहेत, तर काहींनी केवळ आश्चर्य व्यक्त केलं आहे.
एका युजरने लिहिलं, “अशा घटना आता सर्वत्र वाढत चालल्या आहेत.” दुसऱ्याने टिप्पणी केली, “लोक मदत करण्याऐवजी फक्त व्हिडीओ बनवत आहेत, हीच खरी समस्या आहे.” तर काहींनी या घटनेमागचं कारण काय असावं याबद्दलही प्रश्न उपस्थित केले.
हा व्हिडीओ नेमका कुठल्या कारणामुळे घडलेल्या वादातून निर्माण झाला हे स्पष्ट झालेलं नाही. मात्र एवढं नक्की, क्षणिक राग आणि संताप कसा मोठ्या वादात बदलू शकतो, याचं हे जिवंत उदाहरण आहे.
अशा घटनांमुळे एक प्रश्न पुन्हा समोर येतो, आपण फक्त प्रेक्षक राहणार आहोत की योग्य वेळी योग्य पाऊल उचलणार आहोत?
