राष्ट्रीय जनता दलाचे अध्यक्ष लालू प्रसाद यादव यांनी मंगळवारी अर्थात 11 जून रोजी वयाची 71 वर्षे पूर्ण केली. त्यांच्या वाढदिवसानिमित्त पाटणा येथील पक्षाच्या मुख्य कार्यालयात कार्यकर्त्यांनी 72 पाउंडचा केक कापून आनंद साजरा केला. तर, बिहारच्या माजी मुख्यमंत्री आणि लालू यादव यांच्या पत्नी राबडी देवी यांनीही ट्विटरद्वारे लालूंना शुभेच्छा दिल्या. प्राणप्रिय आदरणीय श्री @laluprasadrjd जी को 72वें अवतरण दिवस की अनंत बधाईयाँ। आपको हमारी भी उम्र लग जावे। pic.twitter.com/rqwuawj3sx— Rabri Devi (@RabriDeviRJD) June 11, 2019 लालूंना शुभेच्छा देताना राबडी देवींनी, 'प्राणप्रिय आदरणीय श्री लालू जी को 72वें अवतरण दिवस की अनंत बधाईयाँ. आपको हमारी भी उम्र लग जावे' असं ट्विट केलं. या ट्विटसोबतच त्यांनी लालूंना गुलाबाचं फूल देत असतानाचा एक सुंदर फोटो शेअर केला. त्यांचं हे ट्विट नेटकऱ्यांच्या चांगलंच पसंतीस पडत आहे. अनेकांकडून त्यांच्या ट्विटला लाइक आणि रिट्विट केलं जातंय पण त्याचसोबत काही नेटकऱ्यांनी ट्रोल करण्याची संधीही सोडलेली नाही. ट्रोलर्सनी तो फोटो एडिट करुन राबडी देवी आणि लालूंच्या हातात गुलाबाच्या फुलाऐवजी चारा दाखवला आहे. यह चारा चोर है . इसको घास डालो pic.twitter.com/OCqz7whydd— No Conversion (@noconversion) June 12, 2019 राजदचे सर्वेसर्वा आणि चारा घोटाळाप्रकरणी तुरूंगात शिक्षा भोगत असलेले लालू यादव सध्या रांचीतील रिम्स रुग्णालयात दाखल असून त्यांच्यावर उपचार सुरू आहेत. वंचित, उपेक्षित, उपहासित, उत्पीड़ित और ग़रीब वर्गों के लिए जीवनभर लड़ने वाले योद्धा जन-जन के प्रिय नेता आदरणीय श्री @laluprasadrjd जी को अवतरण दिवस की असीम और अनंत शुभकामनाएँ। pic.twitter.com/0MZOHAWOAQ— Tejashwi Yadav (@yadavtejashwi) June 11, 2019 लालू यादव यांचा मुलगा तेज प्रताप यादव यांनीही राहत्या घरी केक कापून वडिलांचा जन्मदिन साजरा केला, याशिवाय लालूंच्या अनुपस्थित पक्षाची सर्व जबाबदारी सांभाळणारा त्यांचा मुलगा तेजस्वी यादव यांनीही लालूंना ट्विटरद्वारे वाढदिवसाच्या शुभेच्छा दिल्या.
