Narendra Modi Viral Video Fact Check : लाईटहाऊस जर्नलिझमला (Lighthouse Journalism) असा एक व्हिडीओ मोठ्या प्रमाणावर शेअर केला जात असल्याचे आढळले, ज्यामध्ये एक व्यक्ती चेहऱ्याचा मसाज (facial massage) करून घेताना दिसत आहे. व्हिडीओतील ही व्यक्ती पंतप्रधान नरेंद्र मोदी असल्याचा दावा केला जात आहे. त्यामुळे तपासादरम्यान आम्हाला असे आढळले की, व्हिडीओमध्ये दिसणारी व्यक्ती पंतप्रधान मोदी नसून हा व्हायरल दावा खोटा आहे.
काय होत आहे व्हायरल?
फेसबुक युजर ‘Sita Ram Ranakoti’ यांनी हा व्हिडीओ एका खोट्या दाव्यासह शेअर केला आहे.
https://www.facebook.com/reel/1402128981939000
इतर युजर्स देखील याच व्हिडीओला अशाच प्रकारच्या दाव्यांसह शेअर करत आहेत…
https://www.facebook.com/watch/?v=2666694333714438
तपास..
आम्ही या व्हिडीओतील काही महत्त्वाच्या फ्रेम्सवर ‘रिव्हर्स इमेज सर्च’ करून तपासाला सुरुवात केली.
तपासादरम्यान, आम्हाला हा व्हिडीओ इंस्टाग्राम युजर ‘Pardeep Kaur Dhillon’ यांच्या प्रोफाइलवर पोस्ट केलेला आढळला.
व्हिडीओमध्ये दिसणारी व्यक्ती त्या महिलेचे पती आहेत, जे आम्हाला इतर पोस्टसोबत वापरलेल्या हॅशटॅगवरून समजले.
हाच व्हिडीओ त्यांच्या फेसबुक प्रोफाइलवरही आढळला…
https://www.facebook.com/share/r/1ArqVsmVyJ
कन्टेंट क्रिएटर परदीप ढिल्लो यांनी त्यांच्या पतीबरोबरच्या त्याच ठिकाणच्या अनेक पोस्ट शेअर केल्या आहेत. त्यांनी या व्हिडीओसाठी #CoupleReels सारखे हॅशटॅग देखील वापरले आहेत.
आपल्या इन्स्टाग्राम प्रोफाइलवर, कंटेंट क्रिएटरने एक व्हिडीओ शेअर करून हे व्हायरल दावे खोटे असल्याचे स्पष्ट केले आहे…
https://www.instagram.com/newshourindia/reel/DXVpdv2iLkK
निष्कर्ष
व्हायरल व्हिडीओमध्ये पंतप्रधान नरेंद्र मोदी फेशियल करत नाही आहेत. या क्लिपमधील व्यक्ती एका कंटेंट क्रिएटरचे पती आहेत. त्यामुळे सोशल मीडियावर फिरणारा दावा खोटा आहे.
