Divorce jewellery Trend : असं म्हणतात नातं जोडणं थोड सोपं असतं, पण ते निभावणं फार अवघड असतं. आजकाल लोकांना अगदी शुल्लक कारणांवरून राग येतो. अनेकदा या रागाचे रुपांतर भांडणात आणि नंतर हे प्रकरण घटस्फोटापर्यंत पोहोचते. यामुळे भारतातच नाही तर जगभरात घटस्फोटाचे प्रमाण वाढत आहे. घटस्फोट हा कोणत्याही व्यक्तीच्या आयुष्यातील एक कठीण प्रसंग असतो. मात्र, मागील काही वर्षांपासून घटस्फोटानंतर मिळालेल्या स्वातंत्र्याचा आनंद साजरा करण्याचा ट्रेंड हल्ली वाढतोय. बॉलीवूडच्या ‘लव्ह आज कल’ आणि ‘चोर बाजारी’ चित्रपटातही ‘ब्रेक अप पार्टी’ नावाची एक नवी संकल्पना मांडण्यात आली होती, जी भारतीयांसाठी फार नवीन होती. यात आता घटस्फोटासंबंधित नवा ट्रेंड समोर आला आहे, ज्याला ‘डायवोर्स रिंग’ या नावाने ओळखले जात आहे.

अमेरिकन मॉडेल आणि अभिनेत्री एमिली रताजकोव्स्कीने हा ट्रेंड आणला आहे. अलीकडेच अभिनेत्रीने तिच्या साखरपुड्याच्या अंगठीला ‘डायवोर्स रिंग’मध्ये बदलले. एमिली रताजकोव्स्कीने २०२२ मध्ये अभिनेता-निर्माता सेबॅस्टियन बेअर-मॅकलार्डला घटस्फोट दिला. विभक्त झाल्यानंतर एमिली आता तिच्या आधीच्या वैवाहिक जीवनाबद्दल उघडपणे बोलत आहे. अभिनेत्रीने नुकताच एक फोटो शेअर केला आहे, ज्यामध्ये तिने तिच्या साखरपुड्याच्या अंगठीला नवे रूप देत ‘डायवोर्स रिंग’मध्ये बदलल्याचे दाखवत आहे.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Freshly divorced emily ratajkowski starts a new trend divorce rings what behind the rise of divorce rings sjr
First published on: 12-04-2024 at 13:27 IST