“भक्तीला पैशांची गरज नसते!”, “काम करेन, पण उरलेले पैसे देईन!” बाप्पाच्या मूर्तीसाठी चिमुकल्याने मूर्तिकारापुढे जोडले हात; VIDEO पाहून डोळ्यांत येईल पाणी!

पण, याच दिवशी सोशल मीडियावर समोर आलेला एका चिमुकल्याचा व्हिडीओ मनाला चटका लावून जातोय. कारण- बाप्पाला घरी नेण्याची इच्छा तर त्याच्या मनात होती; मात्र खिशात पुरेसे पैसे नव्हते. तरीही त्यानं हार मानली नाही. तो थेट गणपतीच्या मूर्ती बनवणाऱ्या कारागीराकडे पोहोचला. त्यानंतर त्यानं केलेली विनंती ऐकून अनेकांच्या डोळ्यांत पाणी आलं.

बाप्पा हवेत, पण खिशात पैसे नाहीत!

व्हिडीओमध्ये एक चिमुकला आपल्या काही मित्रांसोबत गणपतीच्या मूर्तींच्या कार्यशाळेत आलेला दिसतो. तिथे त्याची नजर एका छोट्याशा गणपतीच्या मूर्तीवर पडते. मूर्ती त्याला आवडते आणि ती आपल्या घरी घेऊन जाण्याची इच्छा तो व्यक्त करतो.

मात्र, एक अडचण होती…

त्या मूर्तीची किंमत २०० रुपये होती आणि मुलाकडे तेवढे पैसे नव्हते. अशा परिस्थितीत अनेक जण कदाचित तिथून निघून गेले असते; पण या चिमुकल्यानं बाप्पांना घरी नेण्याची इच्छा सोडली नाही.

त्यानं मूर्तिकाराला आपली परिस्थिती सांगत एक विनंती केली. आता काही पैसे देतो आणि उरलेले पैसे नंतर देईन, अशी तयारी त्यानं दर्शवली. मूर्तिकारानंही त्याला प्रश्न केला की, उरलेले पैसे कुठून आणणार?

त्यावर या चिमुकल्यानं दिलेलं उत्तरच आता सोशल मीडियावर चर्चेचा विषय ठरत आहे.

“काम करेन, पैसे जमा करेन…”

मुलानं आपण काहीतरी काम करून पैसे जमा करू आणि नंतर उरलेली रक्कम देऊ, असं सांगितलं. म्हणजेच हातात पैसे नसले तरी बाप्पाला घरी नेण्याची त्याची जिद्द मात्र कायम होती.

त्याच्या या बोलण्यात ना हट्ट होता, ना कोणाकडून मदत मागण्याची अपेक्षा. होती ती फक्त आपल्या लाडक्या गणरायाला घरी नेण्याची इच्छा आणि त्यासाठी मेहनत करण्याची तयारी.

हीच गोष्ट नेटकऱ्यांच्या मनाला भावली आहे.

आज गणेश चतुर्थीच्या दिवशी प्रत्येक घरात बाप्पाच्या स्वागताचा उत्साह आहे; पण या चिमुकल्याचा व्हिडीओ एक वेगळाच संदेश देतोय. भक्तीच्या भावनापूर्तीसाठी मोठ्या सजावटीची, महागड्या मूर्तीची किंवा पैशांची गरज नसते. मनापासूनची श्रद्धा असेल, तर छोट्याशा मूर्तीमध्येही गणरायाचं मोठं रूप दिसतं.

व्हिडीओ सोशल मीडियावर व्हायरल

हा व्हिडीओ mr.suhahas या इन्स्टाग्राम अकाउंटवरून शेअर करण्यात आला आहे. व्हिडीओ समोर आल्यानंतर अनेकांनी या मुलाच्या निरागसतेचं आणि जिद्दीचं कौतुक केलं आहे. काही नेटकऱ्यांनी तर या मुलाला मूर्ती घेण्यासाठी आर्थिक मदत करण्याची तयारीही दर्शवली आहे.

व्हिडीओ शेअर करणाऱ्या व्यक्तीनंही या मुलासाठी मूर्ती देण्याचा निर्धार व्यक्त केला आहे. व्हिडीओला मिळणारा प्रतिसाद पाहता, या चिमुकल्याची बाप्पावरील श्रद्धा अनेकांच्या मनाला भिडल्याचं दिसून येत आहे.

काही नेटकऱ्यांनी मुलाच्या या कृतीचं कौतुक करीत त्याला ‘खरा भाविक’ म्हटलं आहे. तर काहींनी, बाप्पासाठी एवढी तळमळ असलेल्या या मुलाची इच्छा पूर्ण व्हावी, अशी भावनिक प्रतिक्रिया दिली आहे.

बाप्पाची भक्ती की निरागस जिद्द?

गणेश चतुर्थीच्या दिवशी सोशल मीडियावर अनेक व्हिडीओ व्हायरल होत आहेत. मात्र, या चिमुकल्याच्या व्हिडीओची गोष्ट थोडी वेगळी आहे. कारण- त्याच्याकडे बाप्पांना घरी नेण्यासाठी पुरेसे पैसे नव्हते; पण त्याच्या मनातली बाप्पांची ओढ मात्र कमी झाली नाही.

त्यानं परिस्थितीपुढे हार मानण्याऐवजी ‘मेहनत करून पैसे देईन’ असा मार्ग निवडला. त्यामुळेच हा व्हिडीओ पाहणाऱ्या अनेकांना भावूक करीत आहे.

बाप्पा मोठ्या उत्साहात घरी आणले जातील, मोठमोठ्या आराशीत विराजमान केले जातील; पण या चिमुकल्याच्या मनातल्या छोट्याशा बाप्पामागची मोठी श्रद्धा आजच्या गणेश चतुर्थीला नक्कीच लक्षात राहणारी आहे.

येथे पाहा व्हिडीओ

सोशल मीडियावरील या व्हिडीओतील दावे स्वतंत्रपणे पडताळले गेले नाहीत. त्यामुळे व्हिडीओची सत्यता आणि त्यातील व्यक्तींबाबतची माहिती सोशल मीडिया पोस्टच्या आधारेच देण्यात आली आहे.