scorecardresearch

नीरज चोप्राचा मालदीवच्या समुद्रात हटके अंदाज; पाण्याखाली भाला फेकण्याचा केला प्रयत्न

भारताचा गोल्डन बॉय नीरज चोप्रा मालदीवच्या समुद्रात सुट्टी घालवत असतानाही भालाफेकचा सराव करताना दिसत आहे.

neraj chopra underwater
हा व्हिडीओ आत्तापर्यंत २८१.८ हजार लोकांनी बघितला आहे (फोटो:@neeraj_chopra1/Twitter)

टोकियो ऑलिम्पिकमध्ये भाला फेकत भारताला सुवर्णपदक मिळवून देणारा नीरज चोप्रा सध्या मालदीवमध्ये सुट्टी घालवत आहे. सुट्टीच्या काळातसुद्धा गोल्डन बॉय नीरज भालाफेकचा विचार करत आहे. त्याचा थ्रो कसा अजून चांगला करता येईल यासाठी तो प्रयत्न करत आहे. ‘गोल्डन बॉय’ नीरजने व्हिडीओच्या कॅप्शनमध्ये लिहिले, ‘आकाशात, जमिनीवर किंवा पाण्याखाली. मी नेहमी भाला फेकण्याचा विचार करतो. प्रशिक्षण सुरू झाले आहे.” व्हिडिओमध्ये नीरज भाला पाण्याखाली फेकण्यापूर्वी रनअप घेऊन भाला फेकण्याचे अनुकरण करताना स्पष्टपणे दिसू शकतो.

टोकियोहून परतल्यानंतर, नीरज देशातील अनेक सन्मान समारंभ आणि टेलीविजन शोमध्ये दिसला. या दरम्यान तो आजारीही पडला. ऑलिम्पिकनंतर नीरजने आपला २०२१ चा हंगाम लवकरच संपवण्याची घोषणा केली. त्याला डायमंड लीगमध्येही भाग घेता आला नाही.

नीरजने १३ वर्षांनंतर ऑलिम्पिकच्या वैयक्तिक स्पर्धेत सुवर्ण जिंकले

नीरजने ८७.५८ मीटरच्या अंतिम फेरीत टोकियो ऑलिम्पिकच्या भालाफेक स्पर्धेत सुवर्णपदक जिंकले होते. वैयक्तिक स्पर्धेत नेमबाज अभिनव बिंद्रा नंतर ऑलिम्पिक इतिहासातील भारताचे हे दुसरे सुवर्णपदक होते. अभिनानने २००८ च्या बीजिंग ऑलिम्पिकमध्ये नेमबाजीत सुवर्ण जिंकले.

नीरजने लिहिले ‘अलार्म बंद, सुट्टीचा मोड चालू’

नीरजचा भाऊही मालदीवमध्ये त्याच्यासोबत आहे. नीरज मालदीवला जात असताना त्याने बेटाचे एक सुंदर फोटो शेअर केला आहे. नीरजने या फोटोचे कॅप्शन लिहिले, ‘अलार्म बंद, सुट्टीचा मोड चालू.’ नीरज नुकताच अभिनव बिंद्राला भेटला होता. अभिनवने नीरजला एक कुत्रा भेट दिला ज्याचे नाव त्याने ‘टोकियो’ ठेवले.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Golden boy olympic winner neeraj chopra vacation in the blue vacation in the blue sea of maladies he atempted to throw a javelin under water video viral ttg

ताज्या बातम्या