WhatsApp Messaging Fees : जर व्हॉट्सॲप बिझनेस (WhatsApp Business) अकाऊंटमध्ये पेमेंटची माहिती (Payment Method) जोडलेली नसेल, तर १ ऑक्टोबरपासून अशा अकाऊंटचे मेसेज लोकांपर्यंत पोहोचणे (Deliver) बंद होऊ शकते. मेटा (Meta) कंपनी १ ऑक्टोबरपासून सर्व्हिस मेसेजसाठी (Service Messages) प्रति-मेसेज शुल्क आकारण्यास सुरुवात करत आहे. आतापर्यंत हे मेसेज मोफत पाठवता येत होते.
मेटाने ‘सोल्यूशन प्रव्हायडर्स’ आणि थेट जोडल्या गेलेल्या (Directly-Integrated) व्यवसायांना इशारा दिला आहे की, ज्यांनी ३० सप्टेंबरपर्यंत पेमेंट पर्याय जोडलेला नाही, त्यांचे सर्व्हिस मेसेज १ ऑक्टोबरपासून डिलीव्हर केले जाणार नाहीत.
कोणती व्हॉट्सॲप बिझनेस खाती प्रभावित होतील? (Which WhatsApp Business accounts will be affected)
हा बदल व्हॉट्सॲप बिझनेस प्लॅटफॉर्मचा वापर करणाऱ्या सोल्यूशन प्रव्हायडर्स आणि थेट जोडलेल्या व्यवसायांना लागू होईल. १ ऑक्टोबरपासून मेसेज सेवा खंडित होऊ नये म्हणून या व्यवसायांना ३० सप्टेंबरपर्यंत आपल्या मेसेजिंग अकाऊंटला पेमेंट पर्याय जोडणे आवश्यक होते.
सर्व्हिस मेसेज म्हणजे ग्राहकांच्या प्रश्नांना उत्तर देण्यासाठी कस्टमर सर्व्हिस प्रतिनिधी किंवा एआय (AI) द्वारे पाठवले जाणारे मेसेज.
मेटा व्हॉट्सॲप बिझनेस मेसेजसाठी शुल्क का आकारत आहे? (Why is Meta charging for WhatsApp Business messages)
मेटाच्या वर्षाच्या दुसऱ्या भागातील (H2 2026) नवीन किंमत धोरणानुसार (Pricing Updates) हा बदल करण्यात आला आहे. १ ऑक्टोबरपासून सर्व्हिस मेसेज आणि २४ तासांच्या कस्टमर सर्व्हिस विंडोमध्ये पाठवले जाणारे युटिलिटी मेसेज (Utility Messages) या दोन्हीसाठी पैसे मोजावे लागतील. १ नोव्हेंबर २०२४ पासून सर्व्हिस मेसेज आणि १ जुलै २०२५ पासून हे युटिलिटी मेसेज मोफत होते, जे आता शुल्कपात्र झाले आहेत.
सर्व्हिस मेसेजचे शुल्क कसे आकारले जाईल? (How will service messages be charged)
मेटा फक्त पाठवलेल्या मेसेजवर नाही, तर यशस्वीपणे डिलीव्हर झालेल्या सर्व्हिस मेसेजवर शुल्क आकारेल.
प्रत्येक देश आणि मार्केटनुसार हे दर वेगवेगळे असतील.
सर्व्हिस मेसेजचे दर हे त्या मार्केटमधील युटिलिटी आणि ऑथेंटिकेशन (Authentication) मेसेजच्या दरांइतकेच असतील.
व्यवसायिक फक्त तेव्हाच हे मेसेज पाठवू शकतात जेव्हा २४ तासांची कस्टमर सर्व्हिस विंडो ओपन असेल (म्हणजे ग्राहकाने आधी मेसेज केला असेल).
व्यवसायाने पेमेंट पर्याय न जोडल्यास काय होईल? (What happens if a business does not add a payment method)
ज्या व्यवसायांनी ३० सप्टेंबरपर्यंत पेमेंट पर्याय जोडलेला नाही, त्यांचे सर्व्हिस मेसेज १ ऑक्टोबरपासून डिलीव्हर होणे थांबेल. त्यामुळे मेटाने सर्व प्रभावित व्यवसायांना लवकरात लवकर पेमेंट पर्याय जोडण्याचे आवाहन केले होते.
१ ऑक्टोबरपासून व्हॉट्सॲप बिझनेसचे शुल्क कसे काम करेल? (How WhatsApp Business charges will work from October 1)
१ ऑक्टोबरपासून सर्व मेसेज दोन श्रेणींमध्ये विभागले जातील:
सर्व्हिस मेसेज (Service Messages): यासाठी प्रति-मेसेज दर आकारला जाईल.
मेटा बिझनेस एजंट मेसेज (Meta Business Agent Messages): यासाठी टोकनवर आधारित वेगळे शुल्क आकारले जाईल.
एका मेसेजवर एकाच श्रेणीचे शुल्क लागू होईल. आधी ज्या संवादासाठी फक्त ३ वेळा चार्ज लागायचा, १ ऑक्टोबरनंतर नवीन नियमांमुळे त्याच संवादासाठी ५ वेळा चार्ज लागू शकतो. मात्र, जाहिरातीवरून (Click-to-WhatsApp Ads) व्हॉट्सॲपवर येणाऱ्या ग्राहकांसाठी असलेली ‘फ्री एंट्री पॉईंट’ विंडो अजूनही मोफतच राहील.
