scorecardresearch

Google Doodle : ७३व्या प्रजासत्ताक दिनानिमित्त गूगलने भारतीयांना दिल्या शुभेच्छा; सादर केले खास डूडल

देशाची राजधानी दिल्लीमध्ये दरवर्षीप्रमाणे यावर्षी देखील राजपथावर देशाची ताकद आणि संस्कृतीची झलक पाहायला मिळेल.

google doodle
गुगलने या डूडलला आकर्षक बनवण्यासाठी त्यामध्ये उंट, हत्ती, घोडे, ढोल, तिरंगा इत्यादींचा वापर केला आहे.

गुगलने ७३व्या प्रजासत्ताक दिनानिमित्त एक खास डुडल सादर करून भारताच्या संस्कृती आणि वारशाची एक झलक प्रदर्शित केली आहे. २६ जानेवारीच्या दिवशी संपूर्ण जग भारताचा सांस्कृतिक वारसा, सैन्य ताकद आणि विकासाची झलक पाहते आणि ही प्रत्येक भारतीयासाठी अभिमानाची बाब असते. गुगलने या डूडलला आकर्षक बनवण्यासाठी त्यामध्ये उंट, हत्ती, घोडे, ढोल, तिरंगा इत्यादींचा वापर केला आहे.

गुगलने गेल्यावर्षी ७२व्या प्रजासत्ताक दिनानिमित्त डुडलच्या माध्यमातून देशातील अनेक संस्कृतींची झलक सादर केली होती. तसेच, ७१व्या प्रजासत्ताक दिनानिमित्त रंगेबिरंगी डुडल सादर केले होते. त्याआधीच्या डुडलमध्ये भारताचा राष्ट्रीय पक्षी मोर, विविध कला आणि नृत्यप्रकार देखील पाहायला मिळाले.

कसा असेल आजचा प्रजासत्ताक दिन?

देशाची राजधानी दिल्लीमध्ये दरवर्षीप्रमाणे यावर्षी देखील राजपथावर देशाची ताकद आणि संस्कृतीची झलक पाहायला मिळेल. यासोबतच भव्य परेडचेही आयोजन करण्यात आले आहे. राष्ट्रपती, पंतप्रधान, संरक्षण मंत्री आणि इतर मान्यवरही यावेळी उपस्थित राहणार आहेत. सकाळी १० वाजून ५ मिनिटांनी पंतप्रधान नरेंद्र मोदी नॅशनल वॉर मेमोरियल म्हणजेच राष्ट्रीय युद्ध स्मारकावर पोहचून देशासाठी सर्वोच्च बलिदान देणाऱ्या सैनिकांना श्रद्धांजली अर्पण करतील.

एका मिनिटात ‘या’ तरुणाने करून दाखवले असे काही; भल्याभल्यांना फुटेल घाम

१० वाजून २६ मिनिटांनी ध्वजारोहण होईल आणि राष्ट्रगीत म्हटले जाईल. या दरम्यान २१ तोफांची सलामी दिली जाईल. १० वाजून २८ मिनिटांनी राष्ट्रपती सलामी मंचावर जम्मू काश्मीरचे पोलीस एएसआय बाबू राम यांना मरणोत्तर अशोक चक्र प्रदान करतील. १० वाजून ३० मिनिटांनी वायुसेनेचे चार हेलिकॉप्टर राजपथावरील आकाशात भरारी घेतील. या हेलिकॉप्टर्समधील एकावर भारताचा झेंडा असेल तर उरलेल्या तिघांवर तीन दलांचे (नौदल, वायूदल, लष्कर) झेंडे असतील. हे सर्व हेलिकॉप्टर प्रेक्षकांवर आकाशातून फुलांचा वर्षाव करतील. यासोबतच २६ जानेवारीच्या परेडची सुरुवात होईल. सर्वप्रथम, देशातील परमवीर चक्र विजेते आणि अशोक चक्र विजेते खुल्या जिप्सीमध्ये राजपथवर पोहोचतील आणि राष्ट्रपतींना अभिवादन करतील.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Google wishes indians happy 73rd republic day presented special doodle pvp

ताज्या बातम्या