आजोबा अन् नातीनं गाजवला स्टेज, ‘स्वर्गात आकाशगंगा’ गाण्यावर केला जबरदस्त डान्स; VIDEO वर नेटकरीही फिदा

Grandfather Granddaughter Dance Video Viral : या व्हिडीओमध्ये एक आजोबा त्यांच्या नातीबरोबर डान्स करताना दिसत आहे. जो पाहून कोणीही थक्क होईल. सध्या हा व्हिडीओ चांगलाच व्हायरल होत आहे.

grandfather dance with granddaughter video

आजोबा अन् नातीनं गाजवला स्टेज (photo - gaurang__sawant / Insta)

Grandfather Granddaughter Dance Video : आजोबा आणि नातवंडांचे नाते हे जगावेगळे असते. या नात्यात प्रेम, काळजी, जिव्हाळा दिसतो. आजोबा आपल्या नातवंडांच्या चेहऱ्यावर हसू पाहण्यासाठी वाट्टेल ते करायला तयार होतात. अनेकदा ते नातवंडांबरोबर लहान होऊन खेळतात. असे म्हटले जाते की, आजोबा हा नातवंडांचा पहिला मित्र असतो आणि नातवंड हे आजोबांच्या आयुष्यातील शेवटचा मित्र असतो. सध्या सोशल मीडियावर नात आणि आजोबांचा असाच एक सुंदर व्हिडीओ व्हायरल होतोय, ज्यात आजोबा नातीबरोबर सुंदर डान्स करताना दिसतायत. आजोबा आणि नातीचा हा व्हिडीओ पाहून कोणीही थक्क होईल. हा डान्स पाहून तुमचाही चेहरा आनंदाने खुलेल.

आजोबांचं असं प्रेम प्रत्येकाला मिळत नाही

व्हिडीओत तुम्हाला आजोबा आणि नात दिसतेय, हे दोघं ‘क्रांतिज्योती विद्यालय – मराठी माध्यम’ या मराठी चित्रपटातील ‘स्वर्गात आकाशगंगा’ या गाण्यावर डान्स करताना दिसत आहेत. दोघेही अगदी आत्मविश्वासाने स्टेजवर वावरताना दिसतायत, तसेच गाण्याच्या तालावर एकरूप होऊन नाचतायत. यावेळी चिमुकली आणि आजोबांच्या चेहऱ्यावरील हास्य उत्साह व निरागसता स्पष्ट दिसून येतेय. आजोबा-नातीचा डान्स नेटकऱ्यांनाही खूप आवडला आहे. आजोबांच्या चेहऱ्यावरील हावभाव अन् डान्स स्टेप्सनी नेटकऱ्यांचे मन जिंकले आहे. व्हायरल व्हिडीओ नेटकऱ्यांना आवडला आहे.

व्हिडीओत पाहू शकता की, गाणं सुरू होताच नात अन् आजोबा स्टेजवर अगदी हसून उत्साहात नाचायला सुरुवात करतात. प्रत्येक स्टेप चिमुकलीही त्यांच्याबरोबर अगदी स्वॅग आणि कॉन्फिडन्सने करतेय. कधी ती त्यांना सांभाळून घेत, तर कधी ते तिला सांभाळून घेत नाचतात. यावेळी आजूबाजूला उपस्थित पाहुणेदेखील टाळ्या–शिट्या वाजवून त्यांना प्रोत्साहन देताना दिसतायत. डान्स तर परफेक्ट होताच, पण यातून आजोबा आणि नातीमधील प्रेमही परफेक्ट दिसून आलं. अशाप्रकारे आजोबा आणि नातीने स्टेज गाजवला. हा व्हिडीओ पाहून काही लोकांना त्यांचे बालपण आठवेल, तर काही लोकांना त्यांचे आजोबा आठवतील. सध्या हा व्हिडीओ चांगलाच व्हायरल होत आहे.

View this post on Instagram

आजोबा अन् नातीच्या डान्सचा हा सुंदर व्हिडीओ इन्स्टाग्रामवर gaurang__sawant नावाच्या अकाउंटवरून पोस्ट करण्यात आला आहे, ज्यावर नेटकरी अप्रतिम कमेंट्स करतायत. काहींनी कमाल, अप्रतिम डान्स होता असे म्हटलेय, तर काहींनी हार्ट इमोजी करत सुंदर डान्स असल्याचे म्हटलेय.