लग्नसमारंभ दिवसेंदिवस मॉडर्न होताना दिसत आहेत. लग्नात ग्रॅंड एन्ट्री करण्यासाठी नवरा-नवरी वेगवेगळ्या पद्धतीचा वापर करताना दिसत आहेत. याआधी लग्नमंडपात नवरा घोड्यावरून शानदार एन्ट्री करायचा. पण नुकतच व्हायरल झालेल्या एका व्हिडीओत नवरी-नवरीने चक्क एका ट्रॉलीतून स्टेजवर भन्नाट एन्ट्री केल्याचं समोर आलं आहे. मात्र, नवरा-नवरीने केलेल्या या स्टंटबाजीमुळे एक भयानक घटना घडली. या घटनेचा व्हिडीओ इंटरनेटवर तुफान व्हायरल झाला असून नेटकऱ्यांनी आश्चर्य व्यक्त केलं आहे.
लग्न सोहळ्याचा हा व्हिडीओ सोशल मीडियावर शेअर करण्यात आला आहे. व्हिडीओत तुम्ही पाहू शकता की, नवरा-नवरी दोरीला अडकवलेल्या एका ट्रॉलीतून स्टेजवर एन्ट्री करतात. ट्रॉलीच्या सर्व बाजूंनी फटाक्यांची आतषबाजी होत असल्याचं व्हिडीओत पाहायला मिळत आहे. स्टेजवर बॅकग्राऊंड डान्सरही ठुमके लावताना दिसत आहेत. पण त्याचदरम्यान एक धक्कादायक घटना घडते आणि ट्रॉलीत असणारे नवरा-नवरी थेट स्टेजवरच पडतात.
इथे पाहा व्हिडीओ
या व्हिडीओला १ लखा ६२ हजारांहून अधिक व्यूज मिळाले आहेत. तसंच नेटकऱ्यांनी या व्हिडीओला वेगवेगळ्या प्रतिक्रियांचा वर्षावही केला आहे. काही नेटकऱ्यांनी नवरा-नवरीने केलेल्या स्टंटबाजीची खिल्ली उडवली आहे. एका नेटकऱ्याने प्रतिक्रिया देत म्हटलं, नवरा-नवरी या घटनेला कधीच विसरणार नाहीत. तर दुसऱ्या नेटकऱ्याने म्हटलं, स्टंटबाजी करून जीव धोक्यात टाकण्याची काय आवश्यकता होती. तर अन्य एका नेटकऱ्याने म्हटलं, अशा लोकांनी लग्नसोहळा म्हणजे तमाशाच करून ठेवला आहे.
