Groom dance video: लग्न केवळ दोन व्यक्तींना नाही तर दोन कुटुंबांना एकत्र आणतं. हा लग्नसोहळा खास व्हावा आणि सगळ्यांच्या तो लक्षात राहावा यासाठी हल्ली वेगवेगळे कार्यक्रम ठेवले जातात. अगदी मेंदी, संगीत, हळद व लग्न अशा साग्रसंगीत कार्यक्रमांची मांदियाळी असते. त्यात आजकाल लग्नात खास डान्स परफॉर्मन्स करणं ही अगदी सामान्य बाब झाली आहे. आपल्या जोडीदारासाठी या खास दिवशी डान्स करीत वधू-वर आपला आनंद द्विगुणीत करतात.
सोशल मीडियावर अनेकदा लग्नसोहळ्यातील असे डान्स व्हिडीओ व्हायरल होत असतात. सध्या असाच एक डान्स परफॉर्मन्स सोशल मीडियावर व्हायरल होतोय. नुकत्याच व्हायरल झालेल्या व्हिडीओमध्ये एक वर डान्स फ्लोअरवर जबरदस्त डान्स परफॉर्मन्स करताना दिसला. त्यानं स्टेजवर आपल्या दमदार डान्स मूव्हजनी प्रेक्षक, तसेच नेटिझन्सची मनं जिंकली आहेत.
नवरदेवाने जिंकलं मन
नवरदेवाचा हा व्हिडीओ पाहून अनेकांनी त्याचं कौतुक केलं आहे. व्हिडीओमध्ये सूट घातलेला एक नवरदेव डान्स फ्लोअरवर जबरदस्त डान्स करताना दिसतोय. शाहीद कपूर आणि ‘तेरी बातों मै ऐसा उलझा जिया’ या चित्रपटातील ‘अखियां गुलाब’ या गाण्यावर डान्स स्टेप्स करत थिरकताना दिसतोय.
हा व्हिडीओ @the_shaadi_shakers या इन्स्टाग्राम अकाउंटवरून शेअर करण्यात आला आहे. या व्हिडीओला “breaking it down like a pro- this groom knows how to move!” असं कॅप्शन देण्यात आलं आहे. तसेच हा व्हिडीओ सोशल मीडियावर खूप मोठ्या प्रमाणात व्हायरल झाला आहे. त्याला तब्बल १५.६ दशलक्ष व्ह्युज मिळाले आहेत.
युजर्सच्या प्रतिक्रिया
नवरदेवाच्या या डान्सवर फिदा होऊन अनेकांनी या व्हिडीओवर प्रतिक्रिया दिल्या आहेत. एका युजरनं कमेंट करीत लिहिलं, “काय भारी नाचलाय नवरदेव.” दुसऱ्यानं, “प्रेमात पडलेले पुरुष आपल्या बायकोसाठी सर्व काही करतात,” अशी कमेंट केली. एक जण कमेंट करीत “यावरून कळतं की, शरीर कसंही असो; आत्मविश्वास कमी झाला नाही पाहिजे.”
