Make Sakhar Gathi for Gudi Padwa at Home in 10 Minutes : गुढीपाडवा हा सण हिंदु नववर्षाचा पहिला दिवस मानला जातो. मराठी महिन्यांच्या सुरुवात चैत्र महिन्यातील गुढीपाडव्याच्या सणापासून होते. मराठी नववर्षाच्या स्वागतासाठी सर्वजण घरोघरी गुढी उभारतात. गुढीला सुंदर साडी नेसवतात. त्यावर गडू उलटा ठेवला जातो. कडुलिंबाची डहाळी आणि आंब्याची पाने बांधतात. तसेच साखरेच्या गाठी देखील बांधल्या जातात. गुढीची पुजा केली जाते आणि गुढीला नैवद्य दाखवला जातो. कडुनिंबाचा पाला आणि गूळ प्रसाद म्हणून वाटला जातो. लहान मुलांना गोड साखरेची गाठी खायला दिली जाते. गुढीपाडव्याला या साखरेच्या गाठींचे खास महत्त्व आहे. या गाठी पांरपारिक पद्धतींनी घरी बनवता येऊ शकतात. तेही फक्त १० मिनिटांत. चला तर मग रेसिपी जाणून घेऊ या…
गुढी पाडव्यासाठी साखरेच्या गाठी कशा बनवाव्या (How to make Sakhar Gathi for Gudi Padwa)
साखरेच्या गाठी साहित्य
साखर – एक कप
पाणी – अर्धा कप
इनो – अर्धा चमचा
दूध – एक टेबलस्पून
धाग्यांची गुडी – एक
साखरेच्या गाठी कृती (Sakhrechya Gathi Recipe)
प्रथम एक दोरा पाण्यात भिजवून घ्या. अप्पे पात्राला तूप लावून घ्या आणि त्यावर तूप लावून गाठीसाठी लागेल इतका धागा पसरवून ठेवा.
आता एक कढई गरम करण्यासाठी गॅसवर ठेवा आणि त्यात एक वाटी साखर आणि अर्धा कप पाणी घाला. साखर विरघळेपर्यंत मिश्रण हळू हळू चमच्याने हलवत राहा आ
साखरेच्या पाकात २ चमचे दूध टाका आणि पुन्हा मिश्रण हलवत राहा. सतत चमच्याने मिश्रण हलवत राहा.
साखरेचा पाक तयार होईपर्यंत चमच्याने मिश्रण हलवत राहा. पाक तयार झाला आहे का पाहण्यासाठी एका वाटीत पाणी घ्या आणि साखरेच्या पाकाचा एखादा थेंब त्यात टाका. पाक थंड झाला त्याची गोळी करू पाहा. गोळी तयार झाली की तुमचा पाक तयार आहे असे समजा. त्यात अर्धा चमचा इनो टाका आणि मिश्रणाला फेस येईल तो हलवत राहा.
आता अप्पे पात्रावर पसरलेल्या दोऱ्यावर गरम गरम साखरेचा पाक गोलाकार आकारात चमच्याने ओता आणि ते थंड करण्यासाठी ठेवा.
थंड झाल्यानंतर हळुवारपणे अप्पे पात्रात चिकटलेल्या साखरेच्या गाठी काढा. गुढीपाडव्यासाठी साखरेच्या गाठी तयार आहेत.
इंस्टाग्रामवर shambhaviskitchen पेजवर साखरेच्या गाठीची रेसिपीचा व्हिडिओ पोस्ट केला आहे.
