IIT मंडीमधून पदवी आणि कँपस प्लेसमेंटमधून थेट जपानमध्ये नोकरी; पगाराचा आकडा ऐकून व्हाल थक्क, तरूणाचा Video चर्चेत

व्हिडिओमध्ये जैन यांनी सांगितले की, त्याने आयआयटी मंडीमधून पदवीचे शिक्षण पूर्ण केल्यानंतर त्याला कॅम्पस प्लेसमेंटद्वारे ही नोकरी मिळाली. त्याच्या कॉलेजमध्ये कॅम्पस इंटरव्ह्यूसाठी ही कंपनी आली होती. याबरोबरच जैन याने त्याचे करिअर कसे राहिले आहे आणि सध्या इंडस्ट्री ट्रेंड्स काय आहेत या बद्दलही व्हिडीओमध्ये माहिती दिली. तसेच त्याने परदेशात काम करण्यास इच्छुक असलेल्यांना मोलाचा सल्लाही दिला.

“सध्याचे ट्रेंड्स बहुतेक एआयशी संबंधित आहेत, आणि मला वाटते की ते हार्डवेअरकडेही सरकत आहेत, कारण एआयसाठी आवश्यक पायाभूत सुविधांची कमतरता आहे. पण एकूणच, ते प्रामुख्याने एआय आणि मशीन लर्निंगच्या दिशेने आहेत. मी डेटा सायन्स आणि मशीन लर्निंग क्षेत्रात माझे पदवी शिक्षण पूर्ण केले आहे, आणि म्हणूनच मला नेहमीच मशीन लर्निंग क्षेत्रात नोकरी करायची होती,” असे तो म्हणाला.

जपानमध्ये करिअर करू इच्छिणाऱ्या प्रोफेशनल्सना जैन याने बहुमूल्य असा सल्लाही दिला. त्याने सांगितले की फ्रेशर म्हणून लॅटरल हायरिंगमध्ये नोकरी मिळवणे कठीण ठरू शकते, पण अनुभव मिळत गेल्यानंतर गोष्टी सोप्या होत जातात.

“मी लोकांकडून जे ऐकले आहे त्यानुसार, एक पदवीधर म्हणून लॅटरल हायरद्वारे जपानमध्ये नोकरी मिळवणे तितके सोपे किंवा सहज होणारे नाही. पण मला वाटते की मिड-करिअर आणि वरिष्ठ पदांवर तुम्ही नोकरी शोधू शकता, आणि रेफरल्सची मदत घेऊ शकता. जपानमध्ये अशा अनेक कंपन्या आहेत ज्या व्हिसा स्पॉन्सरशिप देतात, त्यांच्याकडे रिलोकेशन सपोर्ट आहे आणि त्या परदेशातून उमेदवारांना आणण्यासाठी पात्र आहेत,” असेही जैन याने सांगितले.

जपानमध्ये काम करताना तेथील भाषा अडचण ठरत असेल असा अनेकांचा संभ्रम असतो. भाषेच्या बाबतीत जैन याने स्पष्ट केले की, जपानी भाषा अनिवार्य नसली तरी, ती माहिती असल्यास त्याची खूप मदत होते.

हाय, मी पार्श्व जैन, एक मशिन लर्निग इंजिनिअर असून माझे स्पेशलायजेशन जनरेटिव्ह एआय, एनएलपी, आणि एआय ड्रिव्हन प्रॉडक्ट डेव्हलपमेंट यामध्ये आहे.  मी आयआयटी मंडीमधून डेटा सायन्स आणि इंजिनिअरिंगमध्ये बी.टेक (२०२३) पूर्ण केले आहे आणि सध्या मी जपानमधील टोकियो येथे राकुटेन ग्रुपमध्ये मशीन लर्निंग इंजिनिअर म्हणून काम करत आहे,” अशी माहिती त्याच्या लिंक्डइन बायोमध्ये देण्यात आलेली आहे.