‘कोरोना’चा उद्रेक! नवजात बाळाला जन्माच्या अवघ्या ३० तासांमध्ये लागण

नवजात बाळाला जन्माच्या अवघ्या ३० तासांमध्ये जीवघेण्या व्हायरसची लागण

(छाया सौजन्य – Wuhan Children's Hospital/Weibo)

चीनमध्ये कोरोना व्हायरसचे थैमान सुरूच असून या व्हायरसचं केंद्रबिंदू असलेल्या वुहान शहरामध्ये एका नवजात बाळाला जन्माच्या अवघ्या ३० तासांमध्ये जीवघेण्या व्हायरसची लागण झाल्याचं निष्पन्न झालंय. चीनच्या सरकारी मीडियाने बुधवारी याबाबत माहिती दिली.

हे बाळ कोरोना व्हायरसची लागण झालेली चीनमधील सर्वात कमी वयाची व्यक्ती ठरली आहे. या व्हायरसमुळे आतापर्यंत चीनमध्ये जवळपास ५०० पेक्षा अधिक जणांचा मृत्यू झालाय, तर २४ हजारांपेक्षा अधिक जणांना व्हायरसची लागण झाल्याची माहिती आहे. माध्यमांतील वृत्तानुसार, नवजात बालकाला आईच्या गर्भात किंवा जन्म झाल्यानंतर लगेचच संक्रमण झाल्याची शक्यता आहे. बालकाला जन्म देण्याआधी आईचे रिपोर्ट्सही पॉझिटिव्ह आले होते. तज्ज्ञांनुसार ही घटना ‘व्हर्टिकल ट्रान्समिशन’चा प्रकार असू शकते. अशाप्रकारच्या घटनांमध्ये आईद्वारे गर्भात किंवा बाळाच्या जन्मानंतर व्हायरसची लागण होते.

आणखी वाचा – coronavirus ची दहशत, कसा पसरतो हा आजार?

दरम्यान, चीनमध्ये कोरोना विषाणूच्या उद्रेकाने हाहाकार माजवला असून विषाणूची बाधा झालेले प्रवासी इतर देशांमध्येही आढळून आले आहेत. या पार्श्वभूमीवर जागतिक आरोग्य संघटनेने जागतिक आरोग्य आणीबाणी जाहीर केली आहे. दरम्यान, करोना विषाणू म्हणजे काय आणि त्यावरील उपायांची माहिती देणारे चुकीचे संदेश समाजमाध्यमांमधून पसरत आहेत. तेव्हा याबाबत घाबरून न जाता योग्य माहिती समजून घेणे गरजेचे आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: In china just 30 hours after birth baby tests positive for coronavirus sas

Next Story
VIDEO: अस्वच्छ खोली १५ मिनिटांत चकाचक
ताज्या बातम्या