scorecardresearch

Premium

शिळ्या भाकऱ्या खाऊन आनंदाने देशसेवा करतायत भारतीय जवान; हृदयस्पर्शी VIDEO पाहून त्यागाचे कौतुक कराल

बलिदान परम धर्म! देशसेवेसाठी प्रसंगी शिळ्या भाकऱ्या खाऊन कर्तव्य बजावणाऱ्या जवानांचा हृदयस्पर्शी VIDEO व्हायरल

Indian Army Video
जवानांचा हृदयस्पर्शी VIDEO व्हायरल. (Photo : X)

भारतीय लष्कर आपल्या शौर्य आणि बलिदानासाठी ओळखले जाते. कडक ऊन असो वा मुसळधार पाऊस किंवा शरीर गोठवणारी थंडी कोणत्याही ऋतूमध्ये लष्करातील जवान आपले कर्तव्य बजावण्यापासून कधीच मागे हटत नाहीत. या जवानांच्या शौर्याचे अनेक किस्से आपण आजपर्यंत पाहिले आणि ऐकले आहेत. तसेच याबाबतचे अनेक व्हिडीओही सोशल मीडियावर व्हायरल होत आहेत; जे पाहताच या जवानांबद्दल आपल्या मनातील आदर वाढतोच. शिवाय आपला ऊरही अभिमानाने भरून येतो.

सध्या सोशल मीडियावर असाच एक व्हिडीओ व्हायरल होत आहे; ज्यामध्ये भारतीय लष्करातील जवानांना कर्तव्य बजावताना कोणत्या परिस्थितीला सामोरे जावे लागते आणि त्यांना जेवणाच्या बाबतीत किती त्याग करावा लागतो हे पाहायला मिळत आहे. व्हायरल व्हिडीओमध्ये काही जवान खूप दिवसांच्या शिळ्या भाकऱ्या खाताना दिसत आहेत; परंतु या भाकऱ्यादेखील ते आनंदाने खात आहेत. ते पाहून अनेक जण भारावून गेले आहेत; तर अनेक जण त्यांच्या या त्यागाचे कौतुक करीत आहेत.

Development Plan, Navi Mumbai, Wetlands, Residential Complexes, Political Silence, flamingo, environment,
नवी मुंबई : पाणथळीच्या जागा निवासी संकुलांसाठी खुल्या करण्याचा निर्णय, पर्यावरणप्रेमींचा विरोध, नेत्यांचे सोईस्कर मौन
Gondia, Tragic Accident, Car Veers, Canal, Three Killed, Pangaon, Salekasa,
गोंदिया : भाविकांची अनियंत्रित कार कालव्यात कोसळली; तिघांचा पाण्यात बुडून मृत्यू
nagpur crime, nagpur boyfriend runs car over his girlfriend
नागपूर : कारागृहातून सुटताच प्रियकराने थेट प्रेयसीच्या अंगावर घातली कार
pune praj industries marathi news, dr pramod chaudhary marathi news, dr pramod chaudhary on biofuel marathi news
जैवइंधनातून शेतकऱ्याला उत्पन्न! प्राज इंडस्ट्रीजचे अध्यक्ष डॉ. चौधरी यांनी उलगडून दाखवले जैवइंधनाचे गणित

हेही पाहा – VIDEO : विद्यार्थ्यांनी अभ्यासात प्रगती करावी म्हणून शिक्षकाचा भन्नाट जुगाड; उत्तरपत्रिकांवर गुणांनुसार चिकटवले मजेदार स्टिकर्स!

खरे तर आपण रोज ठरलेल्या वेळेत नाश्ता आणि जेवण करतो; शिवाय आपणाला ताजे जेवण हवे असते. थोडे जरी थंड किंवा शिळे अन्न असेल, तर ते खायला आपण टाळाटाळ करतो. पण, देशाच्या सीमेवर असलेले आपले जवान शिळे अन्न किती आवडीने खात आहेत याचा एक व्हिडीओ सध्या व्हायरल होत आहे. त्यातील एका जवानाच्या हातातील भाकरी हाताने तोडण्याचा प्रयत्न केला, तर ती तुटत नाहीये. म्हणून तो यावेळी आपल्या सहकाऱ्याला मस्करीत भाकरी कापण्यासाठी काही मिळेल का? असे विचारताना दिसत आहे. तर यावेळी त्याचा साथीदार, “तरी रोजच्यापेक्षा आजची भाकरी मऊ आहे”, असे म्हणत आहे.

जवानांचा हा व्हिडीओ सध्या सोशल मीडियावर मोठ्या प्रमाणात व्हायरल होत आहे; जो पाहून आपण त्यांच्या त्याग आणि बलिदानाचा अंदाज लावू शकतो. हा व्हायरल व्हिडीओ एक्स (ट्विटर) वर @RVCJ_FB नावाच्या अकाउंटवरून शेअर करण्यात आला आहे. व्हिडीओ शेअर करताना कॅप्शनमध्ये लिहिले आहे, आमच्या सैन्याला सलाम! हा व्हिडीओ आतापर्यंत १० लाखांहून अधिक लोकांनी पाहिला आहे. अनेक जण त्यावर वेगवेगळ्या प्रतिक्रिया देत आहेत. एका युजरने लिहिलं, “हे दृश्य पाहून माझे डोळे पाणावले.” तर दुसऱ्या एका युजरने लिहिलं, “आमची भारतीय सेना खरी हीरो आहे.”

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Indian soldiers happily serve the country by eating stale bread you will appreciate the sacrifice by watching the heart touching video jap

First published on: 09-12-2023 at 11:26 IST

संबंधित बातम्या

तुम्ही या बातम्या वाचल्या आहेत का? ×