परदेशी कलाकार रिकी पाँडने ‘हमने वही लगाया दिल’ गाण्यावर केला असा डान्स की, VIDEO पाहून नेटकरी करतायत कौतुक

हल्ली सोशल मीडियामुळे अनेक जुनी गाणी देखील पुन्हा प्रचंड व्हायरल होताना दिसतात. एकदा हे चर्चेत आलं की त्यावर लाखो युजर्स डान्स करताना दिसतात. १९९५ साली प्रदर्शित झालेल्या बॉलिवूडमधील “राजा” चित्रपटातील माधुरी दीक्षितच्या “अखिया मिलाये कभी अखिया चुराये” या गाण्यावरील रिकी पाँडच्या डान्सने नेटकऱ्यांना भुरळ घातली होती. त्यानंतर त्याने‘सुंदरी सुंदरी’ या मराठी गाण्यावरही सुंदर डान्स केला होता. आता व्हायरल होत असलेल्या व्हिडीओतही तो खूप सुंदर डान्स करताना दिसत आहे..

दरम्यान, सध्या सोशल मीडियावर प्रचंड चर्चेत असलेलं ‘हमने वही लगाया दिल’ गाण्यावर अनेक युजर्स रिल्स बनवताना दिसत आहेत. या गाण्यावर अगदी लहान मुलांपासून ते वयोवृद्धांपर्यंत सर्वचजण रिल्स बनवत आहेत. आता याच गाण्याची भुरळ रिकी पाँडला देखील पडल्याची दिसत आहे. या गाण्यावर तो जबरदस्त डान्स करीत आहे. यावेळी तो गाण्यातील प्रत्येक स्टेप सुंदर करत असून त्याचा हा व्हिडीओ पाहून अनेक जण त्याचं कौतुक करत आहेत.

पाहा व्हिडीओ:

हा व्हिडीओ इन्स्टाग्रामवरील @ricky.pond या अकाउंटवरून शेअर करण्यात आला आहे. या गाण्याला आतापर्यंत दोन मिलियन व्ह्यूज आणि लाखो लाइक्स मिळाल्या आहेत. तसेच यावर युजर्स अनेक कमेंट्स करतानाही दिसत आहेत. त्यावर एकाने लिहिलेय, “सर खतरनाक डान्स”, दुसऱ्या एकाने कमेंटमध्ये लिहिलेय, “मला अभिमान आहे मी भारतीय असल्याचा” आणखी एकाने लिहिलेय, “तुमचा डान्स पाहून भारी वाटलं” तर आणखी एकाने लिहिलेय, “मन जिंकलं सर तुम्ही.”