दक्षिण काश्मीरमध्ये झालेल्या दहशतवादी हल्ल्यात जम्मू काश्मीरमधील एक पोलीस जवान शहीद झाला आहे. सोमवारी श्रीनगरमध्ये जवानाच्या पार्थिवाला अखेरचा निरोप देण्यात आला. दरम्यान जम्मू काश्मीर पोलिसांनी दोन फोटो शेअर केले आहेत जे पाहून तुमच्याही डोळ्यात पाणी येईल. या फोटोत पोलीस अधिकाऱ्याने शहीद जवानाच्या मुलाला हातात उचलून घेतलं असून, डोळ्यातून सतत पाणी वाहत आहे. फोटोंमध्ये दिसणाऱ्या अधिकाऱ्याचं नाव हसीब मुघल असून ते श्रीनगरचे एसएसपी आहेत. आपल्या सहकारी जवान अर्शद खान यांच्या पार्थिवाला श्रद्धांजली देताना त्यांनी त्याच्या मुलाला उचलून घेतलं होतं. जवानाला अखेरचा निरोप देण्यासाठी राज्यपालांचे सल्लागार, लष्कर, पोलीस अधिकारी, खान यांचे कुटुंबीय आणि सहकारी उपस्थित होते. The son of Martyr #ArshadKhan in the lap of SSP Srinagar Dr.M.Haseeb Mughal JKPS during the wreath laying ceremony at District Police Lines Srinagar. pic.twitter.com/EqGApa82Rh — J&K Police (@JmuKmrPolice) June 17, 2019 दक्षिण काश्मीरमधील अनंतनाग जिल्ह्यात झालेल्या दहशतवादी हल्ल्यात अर्शद खान जखमी झाले होते. दिल्लीमधील एम्स रुग्णालयात उपचार सुरु असताना त्यांचं निधन झालं. एम्समध्ये उपचार करण्यासाठी त्यांना एअरलिफ्ट करण्यात आलं होतं. Wreath laying ceremony of the Martyr #ArshadKhan was held at District Police Lines Srinagar which was attended by Advisors to Hon'ble Governor Senior Civil,Army,CAPF and Police officers family members of the Martyr and colleagues. pic.twitter.com/eNwo1MRxlB — J&K Police (@JmuKmrPolice) June 17, 2019 बुधवारी दहशतवाद्यांनी अनंतनाग येथे सीआऱपीएफ ताफ्यावर हल्ला केला. या हल्ल्यात पाच सीआरपीएफ जवान शहीद झाले. अर्शद यांच्या मृत्यूसहित हा आकडा सहावर पोहोचला आहे. खान यांच्या मागे त्यांचे आई-वडील, पत्नी आणि दोन लहान मुलं आहेत.