थेट डोंगरावर तरुणीचा खानदेशी तडका! केला जबरदस्त डान्स; VIDEOची संपूर्ण सोशल मीडियावर चर्चा

प्रत्येक जिल्हा किंवा विभागातील जेवण, भाषा आणि नृत्यकलामध्ये वेगळेपण दिसून येते. महाराष्ट्रात खानदेश हा एक प्रदेश आहे. येथील खानदेशी जेवण आणि खानदेशी नृत्य विशेष प्रसिद्ध आहे. महाराष्ट्राच्या उत्तरेकडे दख्खनच्या पठारावर नि तापी नदीच्या खोऱ्यात वसलेला भूप्रदेश म्हणजे खान्देश. ‘देश तसा वेश’ असे आपण म्हणतो. त्यांची ठसकेबाज अहिराणी भाषा आपल्याला माहितीच आहे तसेच सोबतच खानदेशी गाणीही प्रचंड व्हायरल होतात. अशाच एका खानदेशी गाण्यावर तरुणीनं जबरदस्त डान्स केला आहे.

या व्हिडीओमध्ये तुम्ही पाहू शकता या तरुणीनं खानेदेशी पिरी पिरी नाच पोरी पिरी पिरी नाच या पारंपरिक मराठमोळ्या गाण्यावर ठसकेबाज नृत्य परफॉर्मन्स केला की, पाहणाऱ्यांच्या अंगावर अक्षरशः शहारे येत आहेत. कोणत्या स्टेजवर नाही तर चक्क डोंगरात निसर्गरम्य वातावरणात तिनं हा डान्स केला आहे. नेटकऱ्यांनी या डान्स व्हिडीओवर कौतुकाचा वर्षाव केला आहे आणि ‘हीच खरी खानदेशी पोर’ अशा शब्दांत प्रतिक्रिया दिल्या आहेत. व्हायरल व्हिडीओमध्ये, दिसणारी ही तरुणी पारंपरिक नऊवारी साडी, गजरा, कुंकू आणि हलकी नथ परिधान करून डान्स करताना दिसते. तिच्या चेहऱ्यावरचा आत्मविश्वास आणि देहबोलीतला मराठमोळा ठसा लक्ष वेधून घेतो. ती डान्स करत असताना, तिच्या प्रत्येक हालचालीत गाण्याचा ठेका, शब्दांची झुळूक आणि शुद्ध लय दिसते. ही केवळ एक डान्स परफॉर्मन्स नसून, तो एक संस्कृतीचा उत्सव वाटतो.

पाहा व्हिडीओ

सोशल मीडियावर वेगवेगळ्या प्रकारचे डान्स पाहायला मिळतात पण पारंपारिक डान्सची कुठेही तोड नाही. भारत हा विविधतेने नटलेला देश आहे. त्यामुळे आपल्या देशात अनेक पारंपारिक नृत्ये प्रसिद्ध आहे. जर महाराष्ट्राचा विचार केला तरी जिल्हा किंवा विभागानुसार वेगवेगळी परंपरा पाहायला मिळते.