Kiley Paul Viral Video: सोशल मीडियावर एखादं नवीन गाणं चर्चेत आलं की अनेक जण त्या गाण्यावर ठेका धरल्याशिवाय किंवा अभिनय केल्याशिवाय राहत नाहीत. मग ते गाणं भारतातील असो किंवा इतर कोणत्याही देशातील; त्या गाण्यावर अनेक लोक रील्स बनवितानाही दिसतात. आतापर्यंत सोशल मीडियावर अशा लाखो लोकप्रिय गाण्यांचे रील्स तयार केले गेल्याचे आपण पाहिले असेल. काही महिन्यांपासून एकीकडे ‘गुलाबी साडी’ हे मराठी गाणं धुमाकूळ घालत आहे; तर दुसरीकडे ‘पुष्पा २’ चित्रपटातील गाणी, अभिनेता विक्की कौशलच्या आगामी ‘बॅड न्यूज’ चित्रपटातील चर्चेत असलेले ‘तौबा तौबा’ गाणेदेखील खूप लोकप्रिय झाले आहे. सध्या ‘काची सेरा’ हे तमिळ गाणं खूप चर्चेत आहे, ज्यावर इन्स्टाग्राम इन्फ्लुएन्सर किली पॉल अभिनय करताना दिसत आहे.
भारतातील विविध भाषांतील गाणी सोशल मीडियावर सतत चर्चेत असतात. सध्या सोशल मीडियावर तमिळ भाषेतील ‘काची सेरा’ हे गाणं खूप चर्चेत आहे. या गाण्यावर अनेक जण रील्सदेखील बनवत आहेत. नेहमीच भारतीय गाण्यांवर रील्स बनविणारा सुप्रसिद्ध इन्स्टाग्राम इन्फ्लुएन्सर किली पॉलनेदेखील या गाण्यावर रील बनवली आहे. त्याचा हा व्हिडीओ सोशल मीडियावर तुफान व्हायरल होत आहे.
या व्हिडीओमध्ये तुम्ही पाहू शकता की, किली पॉल नेहमीप्रमाणे त्याच्या पारंपरिक वेशात ‘काची सेरा’ गाण्यावर ॲक्टिंग करताना दिसत आहे. यावेळी त्याच्या चेहऱ्यावरील हावभाव नेहमीप्रमाणे लक्ष वेधून घेत आहेत. किली पॉलला या गाण्यावर अभिनय करताना पाहून युजर्सही कमेंट्स करताना दिसत आहेत. आपला हा व्हिडीओ शेअर करीत किली पॉलने कॅप्शनमध्ये, ‘तमिळ गाणं, आग्रहाखातर’, असे लिहिलेले दिसत आहे.
इन्स्टाग्राम इन्फ्लुएन्सर किली पॉलचे इन्टाग्रामवर दहा दशलक्षांहून अधिक फॉलोअर्स आहेत. तसेच या व्हिडीओवर आतापर्यंत आठ लाखांहून अधिक व्ह्यूज आणि ७० हजारांहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत.
पाहा व्हिडीओ:
एका युजरने कमेंटमध्ये लिहिलेय, “किली, तुला सर्व भाषा कशा समजतात?”, तर दुसऱ्या युजरने लिहिलेय, “सुंदर एक्स्प्रेशन”, तर आणखी एका व्यक्तीने लिहिलेय, “किली पॉल तुला खूप खूप प्रेम”, तर आणखी एका व्यक्तीने लिहिलेय, “सुपर”, तसेच अनेक युजर्स किली पॉलचे कौतुक करताना दिसत आहेत.
दरम्यान, किली पॉलने नुकत्याच काही दिवसांपूर्वी मल्याळम भाषेतील ‘आवेशम’ चित्रपटातील ‘इल्युमिनाटी’ या गाण्यावरदेखील जबरदस्त डान्स केला होता. तसेच त्याने ‘गुलाबी साडी’ या गाण्यावरही सुंदर डान्स केला होता.
