scorecardresearch

Premium

“कुलदीप यादवचं नशीब चमकतंय कारण..”, धीरेंद्र शास्त्रींबरोबरचे फोटो व्हायरल; नेटकऱ्यांची सडकून टीका

Kuldeep Yadav: पाकिस्तानच्या फलंदाजांचा अक्षरशः धुव्वा उडवत कुलदीपने पाच विकेट घेतल्या होत्या. तर अवघ्या २४ तासांच्या अंतराने पुन्हा भारत विरुद्ध श्रीलंका सामन्यात खेळताना त्याने चार विकेट्स घेतल्या.

Kuldeep Yadav Brutally Trolled For Going To Bageshwar Dham Dheerendra Shastri Netizens Slam Asia Cup 2023 IND vs PAK Star
पाकिस्तानी संघासमोर मोठा अडथळा ठरलेल्या कुलदीप यादवचा एका नवा फोटो सोशल मीडियावर व्हायरल होत आहे. (फोटो: ट्विटर)

Kuldeep Yadav With Bageshwar Baba: भारत विरुद्ध पाकिस्तान सामन्यात पाकिस्तानी संघासमोर मोठा अडथळा ठरलेल्या कुलदीप यादवचा एका नवा फोटो सोशल मीडियावर व्हायरल होत आहे. आपल्या विधानांवरून नेहमीच चर्चेत असणार बागेश्वर धामचे बाबा म्हणजेच धीरेंद्र शास्त्री यांच्या अधिकृत ट्विटर अकाउंटवर हे काही फोटो शेअर करण्यात आले आहेत. पाकिस्तान व श्रीलंकेसमोर दमदार गोलंदाजी करणारा कुलदीप यादव हा धीरेंद्र शास्त्रीच्या दर्शनासाठी गेल्याची चर्चा या फोटोंवरून रंग आहेत. आशिया कपमध्ये कुलदीपचा जबरदस्त खेळ हा बाबांच्याच आशीर्वादाने दिसून येतोय असे दावे बाबांच्या भक्तांकडून करण्यात येत आहेत.

बागेश्वर बाबा हे नाव चर्चेत असण्याबरोबरच अनेकदा वादातही आले आहे. पण तरीही अनेक सेलिब्रिटी बागेश्वर बाबांच्या दरबारात हजेरी लावताना पाहायला मिळाले आहेत. फक्त कुलदीप यादवच नव्हे तर युजवेंद्र चहलने सुद्धा बाबांचे दर्शन घेतले आहे. या भेटीच्या काहीच दिवसांनी आशिया कप स्पर्धा सुरू झाली. आशिया कपमध्ये चहलची निवड झाली नसली तरी कुलदीपला यंदा मोठी व महत्त्वाची संधी मिळाली आहे.

Sunil Gavaskar Big Statement About Virat Kohli
Virat Kohli : ‘…तो आयपीएलही खेळणार नाही’, किंग कोहलीबद्दल सुनील गावसकरांचं मोठं वक्तव्य
England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
MS Dhoni jersey number
“त्या दिवशी आई-वडिलांनी…”, धोनीने सांगितलं ७ नंबरची जर्सी का निवडली? चाहत्यांकडून ‘Thala for a reason’चा ट्रेंड
Jasprit Bumrah First Reaction Slams Critics With Hard Post After Becoming Number One Test Cricket Bowler IND vs ENG Highlights
जसप्रीत बुमराहची ‘त्या’ ऐतिहासिक कामगिरीनंतर पहिली प्रतिक्रिया; सणसणीत उत्तर देत टीकाकारांना लावली चपराक

तुम्ही भारत विरुद्ध पाकिस्तानचा आशिया चषक २०२३ मधील सुपर ४ टप्यातील बहुचर्चित सामना पाहिला असेल तर कुलदीप यादवची कमाल तर वेगळी सांगायलाच नको. पाकिस्तानच्या फलंदाजांचा अक्षरशः धुव्वा उडवत कुलदीपने पाच विकेट घेतल्या होत्या. तर अवघ्या २४ तासांच्या अंतराने पुन्हा भारत विरुद्ध श्रीलंका सामन्यात खेळताना त्याने चार विकेट्स घेतल्या. कुलदीपच्या या जबरदस्त सादरीकरणानंतर त्याचे बागेश्वर बाबांच्या पायाशी बसून काढलेले फोटो व्हायरल होत आहेत.

हे ही वाचा<< आशिया चषकाच्या फायनलमध्ये पुन्हा IND vs PAK? श्रीलंका पॉईंट टेबलमध्ये पुढे पण..अशी आहेत गणितं

दरम्यान, काहींनी या फोटोवरून टीका सुद्धा केल्या आहेत. जो खेळाडू रात्रंदिवस रक्ताचं पाणी करून मेहनत करून खेळतो त्याला कोणा बाबाच्या आशीर्वादाची काही गरजच नाही असेही काहींचे म्हणणे आहे. तो दर्शनासाठी गेला ही त्याची श्रद्धा किंवा निवड आहे पण त्याचे श्रेय बाबांना देणं हे खूप चुकीचं आहे असंही काहीजण म्हणत आहेत. तुम्हाला यापैकी कोणाचं मत पटतंय कमेंट करून नक्की कळवा.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Kuldeep yadav brutally trolled for going to bageshwar dham dheerendra shastri netizens slam asia cup 2023 ind vs pak star svs

First published on: 13-09-2023 at 14:25 IST

संबंधित बातम्या

तुम्ही या बातम्या वाचल्या आहेत का? ×