राष्ट्रीय जनता दलाचे अध्यक्ष लालू प्रसाद यादव यांच्यावर सोमवारी सिंगापूर येथील रुग्णालयात यशस्वीरित्या किडनी प्रत्यारोपण शस्त्रक्रिया करण्यात आली. त्यानंतर त्यांचे समर्थक, चाहते आणि कार्यकर्ते त्यांच्या चांगल्या आरोग्यासाठी प्रार्थना करत होते. मुलगी रोहिणी आचार्य हिने दान केलेल्या किडनीचे प्रत्यारोपण केल्यानंतर मंगळवारी स्वतः लालू यादव यांनी आपल्या प्रकृतीबद्दल माहिती दिली, ते म्हणाले "मला आता बरं वाटत आहे". लालू यांचा हा व्हिडिओ सोशल मीडियावर तुफान व्हायरल होत लोक त्यांचा हा व्हिडिओ बघून खूप खुश होत आहेत. किडनी शस्त्रक्रियेनंतर ११ सेकंदाच्या या व्हिडीओमध्ये लालू यादव पहिल्यांदाच "तुम्ही सर्वांनी प्रार्थना केलात, आता मला बरं वाटत आहे" असं म्हणाले. शस्त्रक्रिया झाल्यानंतर लालू यादव यांचा हा पहिलाच व्हिडीओ आहे ज्यामध्ये ते बोलताना दिसत आहेत. ( हे ही वाचा: भंगारात गेलेल्या स्कुटरची अनोखी कमाल! देसी जुगाड पाहून आनंद महिंद्रा म्हणाले ” मला…”) येथे पाहा व्हिडिओ ( हे ही वाचा: चोरांचा जीवाशी खेळ! बिहारमध्ये चालत्या ट्रेनमधून केली तेलाची चोरी; Viral व्हिडिओ पाहून तुम्हालाही बसेल धक्का) लालूंची दुसरी मुलगी रोहिणी आचार्य हिने तिची एक किडनी वडिलांना दान केली. लालू आणि रोहिणी यांच्या यशस्वी शस्त्रक्रियेनंतर लालूंना आयसीयूमध्ये ठेवण्यात आले होते. लालू यांच्या यशस्वी शस्त्रक्रियेनंतर त्यांचे चाहते खुश झाले आहेत. अनेकजण त्यांच्या चांगल्या आरोग्यासाठी प्रार्थना करत आहेत.