बापरे! जंगलात कारच्या सनरूफमधून बाहेर आला अन् पुढच्याच क्षणी झाडीतून विजेच्या वेगाने आला बिबट्या अन्… VIDEO पाहून हादराल!

व्हायरल होत असलेल्या या व्हिडीओमध्ये जंगलातील एका रस्त्यावरून एक कार अतिशय संथ गतीने पुढे जाताना दिसते. आजूबाजूला दाट झाडी, शांत वातावरण आणि निसर्गरम्य परिसर असल्यामुळे कारमधील प्रवासी तो क्षण अनुभवण्यात पूर्णपणे मग्न असल्याचं दिसतं. याच वेळी कारच्या सनरूफमधून एक व्यक्ती अर्धी बाहेर येते आणि आजूबाजूचा परिसर पाहू लागते.

सुरुवातीला सर्व काही अगदी शांत आणि सुरळीत सुरू असल्याचं दिसतं, त्यामुळे पुढच्या काही सेकंदांत काय घडणार आहे याची कल्पनाही कोणाला येत नाही. पण, अचानक रस्त्याच्या कडेला असलेल्या दाट झुडपांमध्ये हालचाल होते आणि त्यानंतर घडणारा प्रसंग पाहून कोणाच्याही काळजाचा ठोका चुकू शकतो.

व्हिडीओमध्ये दिसतं की, झाडीत दबा धरून बसलेला एक बिबट्या क्षणार्धात बाहेर येतो आणि थेट कारच्या दिशेने झेप घेतो. सनरूफमधून बाहेर आलेल्या व्यक्तीवर तो अचानक झडप घालताना दिसतो. हा प्रसंग इतक्या वेगाने घडतो की कारमधील इतर प्रवाशांनाही प्रतिक्रिया देण्यासाठी वेळ मिळत नाही. काही क्षणांतच संपूर्ण वातावरणात गोंधळ उडाल्याचं व्हिडीओमध्ये दिसून येतं.

हा व्हिडीओ सोशल मीडियावर मोठ्या प्रमाणात शेअर केला जात असून त्यावर विविध प्रतिक्रिया उमटत आहेत. अनेकांनी जंगल परिसरात अशा प्रकारे वाहनाबाहेर डोके किंवा शरीर बाहेर काढणे अत्यंत धोकादायक असल्याचं म्हटलं आहे. वन्य प्राण्यांच्या अधिवासात ते कधी आणि कुठून समोर येतील याचा अंदाज लावणं अशक्य असतं, त्यामुळे नियमांचं पालन करणं हीच सर्वांत मोठी खबरदारी असल्याचं नेटकऱ्यांनी अधोरेखित केलं आहे.

काही वापरकर्त्यांनी हा व्हिडीओ पाहून धक्का व्यक्त केला, तर काहींनी अशा साहसी कृत्यांमुळे स्वतःच संकट ओढवून घेतलं जात असल्याचं मत मांडलं. जंगल सफारी किंवा अभयारण्यात फिरताना वाहनातून बाहेर न येणे, सनरूफमधून उभं न राहणे आणि वन विभागाच्या सूचनांचं काटेकोर पालन करणं किती आवश्यक आहे, याची चर्चा या व्हिडीओनंतर पुन्हा एकदा सुरू झाली आहे.

दरम्यान, या व्हिडीओच्या सत्यतेबाबतही सोशल मीडियावर प्रश्न उपस्थित केले जात आहेत. अलीकडच्या काळात कृत्रिम बुद्धिमत्ता (AI) वापरून तयार केलेले वन्य प्राण्यांचे अनेक व्हिडीओ व्हायरल होत असल्याने हा व्हिडीओ खरा आहे की AIच्या मदतीने तयार करण्यात आला आहे याबाबत अद्याप कोणतीही अधिकृत पुष्टी झालेली नाही, त्यामुळे हा व्हिडीओ पाहताना त्याकडे पडताळणी न झालेला सोशल मीडिया मजकूर म्हणून पाहणं आवश्यक आहे.

तथापि, व्हिडीओ खरा असो किंवा AI-निर्मित, त्यातून मिळणारा संदेश मात्र स्पष्ट आहे. जंगल हा वन्य प्राण्यांचा अधिवास आहे, अशा ठिकाणी थोडीशी बेपर्वाईदेखील मोठ्या दुर्घटनेचं कारण ठरू शकतं; त्यामुळे जंगल सफारीचा आनंद घेताना नियम पाळणं, वाहनाच्या आतच राहणं आणि कोणतंही धाडस टाळणं हीच सर्वांत सुरक्षित भूमिका ठरते.

(टीप: या व्हिडीओची सत्यता स्वतंत्रपणे पडताळलेली नाही. सोशल मीडियावर AI-निर्मित वन्यजीवांचे व्हिडीओही मोठ्या प्रमाणात व्हायरल होत असल्याने या व्हिडीओबाबत अधिकृत पुष्टी उपलब्ध नाही.)