बिबट्या मानवी वस्तीत घुसल्याने अनेक सीसीटीव्ही फुटेज सोशल मीडियावर व्हायरल झाले आहेत. अनेकदा बिबट्याने मानवी वस्तीत घुसून कुत्र्यांवर हल्ला केल्याच्या बातम्या समोर येतात. कधी कधी तर अंगणात खेळत असलेल्या लहानग्यांना घेऊन गेल्याचा प्रकारही घडले आहेत. बिबट्या शिकार करण्यात पटाईत असतो. कधी कुणावर हल्ला करेल सांगता येत आहे. पण कधी बिबट्याने तळाच्या आत जाऊन शिकार केल्याचं पाहिलं आहे का? जर उत्तर नाही असेल तर हा व्हिडीओ पाहा. सोशल मीडियावर व्हायरल होत असलेल्या व्हिडीओत एक बिबट्या तळाच्या आत घुसल्याचं दिसत आहे. सुरुवातीला बिबट्या पाण्यात पोहत असल्याच वाटतं. पण हळूहळू आपल्या भक्ष्याकडे मोर्चा वळवतो आणि आपल्या पंजाने हल्ला करत शिकार खाण्यास सुरुवात करतो. १५ सेकंदाचा हा व्हिडीओ आतापर्यंत लाखो लोकांनी पाहिला आहे. Amazing Nature या ट्विटर अकाउंटवरून हा व्हिडीओ शेअर करण्यात आला आहे. हा व्हिडीओ सोशल मीडियावर वेगाने व्हायरल होत आहे. वेगवेगळ्या सोशल मीडिया प्लॅटफॉर्मवर नेटकरी हा व्हिडीओ शेअर करत आहेत. तसेच व्हिडीओखाली आपल्या प्रतिक्रिया नोंदवत आहेत.
