लहान मुलं म्हणजे देवाघरची फुलं हे प्रसिद्ध वाक्य तुम्ही अनेकवेळा ऐकले असेल, याची प्रचितीही बऱ्याचदा आपल्याला येते. मोठया मंडळींनाही जमणार नाही अशी कामगिरी लहान मुलं करुन दाखवतात. त्यांची निरागसता आपलं मन जिंकते. लहान मुलांची निरागसता दाखवणारा एक व्हिडीओ सध्या व्हायरल होत आहे. व्हायरल होणाऱ्या या व्हिडीओमध्ये एक चिमुकला शेकोटी शेजारी बसलेला दिसत आहे. थंडीपासून वाचण्यासाठी हा सोपा मार्ग आहे. पण तो एकटाच उब घेत नाहीये, तर तो तिथे असणाऱ्या शेळीलाही उब देत आहे. तो शेळीला मांडीवर बसवतो आणि हाताने उब देत असल्याचे दिसत आहे. पाहा व्हायरल होणारा हा व्हिडिओ. व्हायरल व्हिडीओ: https://twitter.com/Gulzar_sahab/status/1599376577149939713?t=pR6Wcx-RQsgfR_2m-jNrw&s=08 या व्हिडीओने नेटकऱ्यांची मनं जिंकली असून, ही गोंडस कृती लहान मुलांमधील निरागसतेचे प्रतिक असल्याचे मत व्हिडीओवर व्यक्त करण्यात येत आहे.
