Little Girls Dance Video: शेतात काम करीत असलेल्या दोन चिमुकल्या मुलींचा एक साधासुधा व्हिडीओ सध्या सोशल मीडियावर प्रचंड व्हायरल होत आहे. कोणताही मोठा सेट नाही, महागडे कपडे नाहीत, ना कुठला डान्स शो… तरीही या दोन्ही मुलींनी आपल्या निरागस हास्याने आणि मनमोकळ्या नृत्याने लाखो नेटकऱ्यांची मने जिंकली आहेत. या व्हिडीओतील साधेपणा आणि निष्पाप आनंद पाहून अनेक जण तो पुन्हा पुन्हा पाहत आहेत.
व्हिडीओची सुरुवात एका अगदी साध्या ग्रामीण वातावरणातून होते. चारही बाजूंनी हिरवागार धानाचा मळा दिसतो. त्या शेतात दोन चिमुकल्या मुली धानाची रोपं लावण्याच्या कामात व्यग्र असतात. सर्व काही नेहमीप्रमाणे सुरू असतानाच अचानक पार्श्वभूमीवर ‘पालकी में होके सवार चली रे’ हे लोकप्रिय गाणं वाजू लागतं.
गाण्याचे सूर कानावर पडताच दोन्ही मुली क्षणभर काम थांबवतात. पुढच्याच क्षणी त्या कोणताही संकोच न बाळगता, गाण्याच्या तालावर मनसोक्त नाचायला सुरुवात करतात. त्यांच्या चेहऱ्यावरील आनंद, निरागस हास्य आणि प्रत्येक स्टेपमध्ये दिसणारा उत्साह पाहून हा क्षण थेट मनाला स्पर्श करून जातो.
या मुलींचा डान्स एखाद्या व्यावसायिक कलाकारासारखा नाही; पण त्यात असलेली खरी भावना आणि आनंदच या व्हिडीओचं सर्वांत मोठं वैशिष्ट्य ठरलं आहे. त्या कॅमेऱ्यासाठी नाचत असल्याचं कुठेही जाणवत नाही. त्या फक्त त्या क्षणाचा आनंद घेत आहेत आणि मनातलं समाधान नृत्याच्या माध्यमातून व्यक्त करत आहेत. म्हणूनच हा व्हिडीओ इतर व्हायरल व्हिडीओंपेक्षा वेगळा ठरतो.
विशेष म्हणजे या व्हिडीओत कुठेही कृत्रिमपणा दिसत नाही. शेतात काम करताना अचानक गाणं ऐकू येणं आणि त्यावर निरागसपणे नाचणं… हीच या व्हिडीओची खरी ताकद आहे. ग्रामीण जीवनातील साधेपणा, कष्ट आणि त्यामधील आनंद किती सुंदर असू शकतो, याची झलक या काही सेकंदांच्या व्हिडीओत पाहायला मिळते.
हा व्हिडीओ सोशल मीडियावर वेगाने व्हायरल होत असून, नेटकरी त्यावर भरभरून प्रतिक्रिया देत आहेत. अनेकांनी या मुलींच्या चेहऱ्यावरील हास्यानं दिवसाचा सगळा ताण दूर झाल्याचं म्हटलं आहे. तर काहींनी खरा आनंद हा महागड्या गोष्टींमध्ये नसून अशा छोट्या छोट्या क्षणांमध्ये दडलेला असतो, अशी भावना व्यक्त केली आहे.
ग्रामीण भागातील साधेपणा आणि निष्पाप बालपणाचं हे सुंदर चित्र अनेकांच्या मनाला भिडलं आहे. त्यामुळेच हा व्हिडीओ सोशल मीडियावर लाखो लोकांकडून पाहिला जात असून, अनेक जण तो आपल्या मित्र-परिवारासोबतही शेअर करीत आहेत.
दरम्यान, हा व्हायरल व्हिडीओ इन्स्टाग्रामवरील bristi_official_07 या अकाउंटवरून शेअर करण्यात आला आहे. त्यावरील दोन चिमुकल्या मुलींचा निरागस डान्स सध्या इंटरनेटवर सर्वांच्याच चेहऱ्यावर हसू फुलवत आहे.
