“अरे पाप धुवायला जाताय की करायला?” कुंभमेळ्याला जाताना महिलांनी ट्रेनमध्ये अक्षरश: हद्दच पार केली; VIDEO पाहून बसेल धक्का

कुंभ मेळा हिंदू धर्मातील एक महत्त्वाचा धार्मिक सोहळा आहे. शेकडो वर्षांपासून कुंभ मेळ्याची परंपरा सुरू आहे. कुंभ मेळ्यासाठी देशातूनच नव्हे, तर जगभरातील भाविक हजेरी लावतात. यंदाचा कुंभ मेळा अनेक अर्थांनी खास आहे. कारण- यंदाचा कुंभ हा महाकुंभ असणार आहे. यामुळेच लोक मोठ्याप्रमाणात कुंभमेळ्याला येत आहेत. याच भाविकांची अतिरिक्त गर्दी लक्षात घेऊन रेल्वेने प्रयागराज येथील कुंभमेळ्यासाठी विशेष गाड्या सोडण्याचे नियोजन केले. मात्र तरीही ट्रेनमधल्या गर्दीचं नियोजन करता आलं नाही. अशातच आता धक्कादायक व्हिडीओ समोर आला आहे.

या व्हिडीओमध्ये बायका एमकेकांना अक्षरश: अमानुषपणे मारहाण करत आहेत. बसण्याच्या जागेवरून झालेला वाद हाणामारीत बददला आणि या महिलांनी अक्षरश: एकमेकांवर उड्या मारून लाथा बुक्क्यांची बरसात केली. लोकलमध्ये प्रचंड गर्दी दिसत आहे. नीट उभं राहायलाही जागा दिसत नाहीये, अशातच काही वेळात एक महिलांमध्ये तुफान हाणामारी सुरु होते. या मारामारीचं स्वरुप इतकं गंभीर आहे की, यामध्ये एखाद्याचा जीव जाऊ शकतो. यात एका महिलेला काही महिला केसाला धरुन बेदम मारत आहेत. अक्षरश: या एकमेकींचे केस ओढून कानाखाली मारत आहेत, गळा पकडत आहेत. व्हिडिओत हाणामारी पाहून महिला प्रवाशी त्यांना थांबवण्याचा प्रयत्न करत आहेत मात्र काही केल्या त्या ऐकत नाही. 

पाहा व्हिडीओ

सोशल मीडियावर हा व्हिडीओ _royal_desi_chhora नावाच्या इन्स्टाग्राम अकाऊंटवरुन शेअर करण्यात आला आहे. या सगळ्या प्रकारावर आता नेटकरीही संतापले असून वेगवेगळ्या प्रतिक्रिया देत आहेत. एकानं म्हंटलंय, “अरे पाप धुवायला जाताय की करायला?” तर आणखी एकानं “अरे आपण कुठे चाललोय याचं तरी भान ठेवा” अशी प्रतिक्रिया दिली आहे.