Shocking Video: कोणतंही काम लहान किंवा मोठं नसतं. माणसावर वाईट वेळ आली किंवा वाईट परिस्थिती ओढवली, तर जमेल ते काम माणूस करतो. पोटाची भूक भागविण्यासाठी आणि दोन वेळचं जेवण मिळावं यासाठी लोक आवड नसतानाही ते काम करतात. अशा कामांमध्ये ते अनेकदा लोकांची बोलणी ऐकून, अपमान सहन करूनही मूग गिळून गप्प बसतात आणि हे सगळं सहन करत असतात.
पण, काही लोक या परिस्थितीचा गैरफायदा घेतात आणि अशा माणसांचा छळ करतात. सध्या असाच एक व्हिडीओ सोशल मीडियावर व्हायरल होतोय. या व्हिडीओमध्ये स्टेजवर परफॉर्म करणाऱ्या एका तरुणीबरोबर असं कृत्य केलं, जे पाहून सगळ्यांनी संताप व्यक्त केला आहे.
भरस्टेजवर केलं संतापजनक कृत्य
सोशल मीडियावर व्हायरल झालेला हा व्हिडीओ पाहून अनेकांना धक्का बसला आहे. या व्हिडीओमध्ये एक तरुणी स्टेजवर परफॉर्म करताना अचानक स्टेजवरील माणूस तिला लाथा मारू लागतो. स्टेजवर माणसांची अफाट गर्दी असतानादेखील तो हे कृत्य करतो. पण, यादरम्यान तरुणी काहीच प्रतिक्रिया देत नाही आणि नाइलाजास्तव हसत हसत मार सहन करते.
सोशल मीडियावरील हा व्हिडीओ @navinji09 या इन्स्टाग्राम अकाउंटवरून शेअर करण्यात आला असून, “क्या करे मजबुरी है साहब”, अशी कमेंट केली. तर व्हिडीओ व्हायरल होताच, याला ६.३ दशलक्ष व्ह्युज आले आहेत.
हेही वाचा… आयुष्याचा असा खेळ करू नका! सिलेंडरवर बसून चालत्या बाईकवर आजोबा करतायत स्टंट, VIDEO पाहून बसेल धक्का
युजर्सच्या प्रतिक्रिया
व्हिडीओ व्हायरल होताच अनेकांनी त्यावर आपापल्या प्रतिक्रिया दिल्या आहेत. एका युजरनं कमेंट करीत लिहिलं, “भाऊ-बहिणींचा आदर करा.” दुसऱ्यानं “तुझ्या बहिणीला लाथ मार”, अशी कमेंट केली. एक जण कमेंट करीत म्हणाला, “कोणाच्या वाईट परिस्थितीचा फायदा घेऊ नका.”
