Man Bathing King Cobra Viral Video : किंग कोब्रा हा साप जगातील सर्वात धोकादायक सापांपैकी एक मानला जातो. या सापाला पाहून भल्याभल्ल्यांना घाम सुटतो. याचा एक दंश झाला तर काही मिनिटांत माणूस खल्लास झालास म्हणून समजा. पण सध्या सोशल मीडियावर एक व्हिडीओ व्हायरल होत आहे. जो पाहून तुम्ही म्हणाल, ह्या माणसाला भीती वैगरे आहे की नाही. या व्हिडीओमध्ये एक व्यक्ती भल्यामोठ्या किंग कोब्रा सापाला पाण्याने अंघोळ घालताना दिसत आहे. व्हिडीओतील माणूस एवढा बिनधास्त आहे की, तो एखाद्या लहान मुलाला जशी अंघोळ घालतो तशाप्रकारे किंग कोब्राला अंघोळ घातलोय. (snake viral video)

या बातमीसह सर्व प्रीमियम कंटेंट वाचण्यासाठी साइन-इन करा

हा व्हि़डीओ पाहून तुमच्या अंगाचा थरकाप उडेल, कारण ज्या सापाला बघून भल्या भल्यांची भिंबेरी उडते, त्या सापाच्या अंगावर हा माणूस अगदी सहजपणे बादल्या भरून पाणी टाकतोय. त्याच्या चेहऱ्यावर भीतीतर दूरचं चक्क हसू दिसत आहे. ट्विटरवर @TansuYegen अकाउंटवर हा व्हिडीओ शेअर करण्यात आला आहे. हा व्हिडीओ भारतातील एक गावातील असल्याचे सांगितले जात आहे. व्हिडीओमध्ये तुम्ही पाहू शकता की, एक ८ फूट लांबीचा साफ सरपट एका नळाजवळ फणा काढून उभा आहे. यावेळी एक व्यक्ती बादलीभर पाणी त्या सापाच्या अंगावर टाकतो. तरी तो साप काही न करता फणा काढून तसाच राहतो. काही वेळाने हा माणूस सापाच्या फणाला स्पर्श करतानाही दिसतो पण साप अजिबात कसलीही हालचाल करत नाही.

काही तासांपूर्वी शेअर केलेला हा व्हिडीओ आत्तापर्यंत २.६४ लाखांहून अधिक लोकांनी पाहिला आहे. १० हजारांहून अधिक लोकांनी लाईक केला आहे आणि अनेकांनी कमेंट्स केल्या आहेत. अनेकांनी हा व्हिडीओ जुना असल्याचे म्हटले आहे तरी तो तुफान व्हायरल होतोय.

अवघडच आहे राव! गुगलमध्ये नोकरी लागलेल्या व्यक्तीला भाड्याच्या घरासाठी द्यावी लागली मुलाखत, पुढे झाले असे की…

एका यूजरने या व्हिडीओच्या कमेंटमध्ये लिहिले की, सापाला नेहमी उष्ण वातावरण हवे असते. जर तुम्ही त्याला आंघोळ घातली तर ते त्याच्या आरोग्यासाठी अजिबात चांगले नसते. त्याचवेळी आणखी एका युजरने लिहिले की, भाऊ, मला बघून भीती वाटतेय. पण हा व्यक्ती सापासोबत एवढ्या सहजतेने वागतोय, जणू काय तो एखाद्या मुलाला आंघोळ घालत आहे. बरं, काहीही झालं तरी सापांजवळ न गेलेलेच बरे आहे.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Man gives bath to snake king cobra shocking video in social media sjr