Video viral: अॅपलची प्रत्येक वस्तू इतकी महाग आहेत की एखादे छोटेसे उत्पादनही गायब झाले तर खूप वाईट वाटते. अॅपल कंपनीची कोणतीही गोष्टी खरेदी करायची म्हटल्यावर भरपूर पैसे लागतात. त्यामुळे प्रत्येक जण अॅपलचे कोणतेही प्रोडक्ट असूदेत त्याला जिवापेक्षा जास्त जपतात. कितीही लहान प्रोडक्ट असूदेत उदा, अॅपलचे एअरपॉड्स, लहान असले तरी किंमत हजारांच्या घरात आहे. त्यामुळे ऍपलचे उत्पादन खरेदी केल्यानंतर प्रत्येकजण ते मोठ्या काळजीने ठेवतो. कल्पना करा की हेच अॅपलचे एखादे प्रोडक्ट तुमच्याकडून हरवले? कल्पानाही करवत नाही ना..मात्र एका तरुणासोबत असंच काहीसं घडलंय. एक व्हिडीओ समोर आलाय ज्यामध्ये एका व्यक्तीचे अॅपलचे एअरपॉड गटरता पडले. त्याची काय हालत झाली असेल याचा विचार करा. पुढच्याच क्षणी तो काय करतो याचा व्हिडीओ समोर आलाय.
इंस्टाग्रामवर एक व्हिडिओ व्हायरल होत आहे, रस्त्यावरुन चालताना एका व्यक्तीच्या कानातून चुकून एअरपॉड्स गटरात पडतात, यानंतर पुढच्याच क्शणी कशाचाही विचार न करता हा व्यक्ती नाल्यात उडी मारतो आणि एअरपॉड्स उचलतो आणि काही सेकंदात बाहेर येतो. यादरम्यान तो शेजारून जाणाऱ्या इतर लोकांशी बोलताना दिसत आहे. त्या व्यक्तीने उघड्या, गलिच्छ आणि दुर्गंधीयुक्त गटारात कशी उडी मारली हे तुम्ही व्हिडिओमध्ये पाहू शकता. हा व्हिडीओ पाहणाऱ्या प्रत्येकालाच आश्चर्य वाटले की कोणी असे कसे करू शकते.
पाहा व्हिडीओ
हेही वाचा >> VIDEO: हृदयद्रावक! गणपतीच्या मंडपात नाचता नाचता गेला जीव; तरुणाचा मृत्यू कॅमेरात कैद
हा व्हिडिओ इन्स्टाग्रामवर शेअर झाल्यानंतर मोठ्या प्रमाणात व्हायरल होत आहे. हा व्हिडिओ आतापर्यंत लाखो वेळा पाहिला गेला आहे. सोशल मीडिया यूजर्सनीही या व्यक्तीचे कौतुक केले आहे. तर काही लोकांनी त्याची खिल्लीही उडवली आहे. एका युजरने कमेंट केली की लोक फार कमी पैशात गटर साफ करतात. दुसर्‍या युजरने लिहिले की, लोक इतक्या प्रमाणात वेडे आहेत हे पाहून मला आश्चर्य वाटलं.
