विद्यार्थिनींना मासिक पाळी आल्यानंतर सुट्टी देण्याचा निर्णय मध्य प्रदेशातल्या विधी विद्यापीठाने घेतला आहे. अशा प्रकारचा निर्णय घेणारं हे देशातलं पहिलं विद्यापीठ ठरलं आहे. मध्यप्रदेशातील जबलपूरच्या धर्मशास्त्र नॅशनल लॉ युनव्हर्सिटीने (DNLU) विद्यार्थिनींना मासिक पाळीची सुट्टी देण्याचा निर्णय घेतला आहे. विद्यापीठाने नव्या सत्रापासून मासिक पाळीच्या रजेचा आदेश जारी केला आहे.
मासिक पाळी असताना विद्यार्थिनींना मिळणार सुट्टी
विद्यापीठाचे प्रभारी कुलगुरु शैलेश एन हादली यांनी दिलेल्या माहितीनुसार, स्टुडंट बार असोसिएशनच्या वतीने मासिक पाळीची सुट्टी देण्याची मागणी अनेक दिवसांपासून करण्यात येत होती. हे लक्षात घेऊन आम्ही ही सुट्टी मंजूर केली आहे. नव्या सेमिस्टरपासून या रजा मंजूर करण्याचा निर्णय घेण्यात आला आहे. या सुट्ट्या प्रत्येक सेमिस्टरमध्ये विद्यार्थ्यांना सांस्कृतिक आणि इतर महत्त्वाच्या कार्यक्रमांमध्ये सहभागी होण्यासाठी देण्यात येणाऱ्या सहा सुट्ट्यांचा एक भाग असतील. तसंच मुलींना मासिक पाळीच्या काळात या सुट्ट्या घेता येतील.
मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Menstrual cycle jabalpur law varsity grants menstrual leave scj
