Premium

हातपंपातून पाण्याऐवजी येऊ लागलं दूध? लोकांनी बाटल्या आणि पिशव्यांमधून सुरु केली लूट, VIDEO पाहून डोकंच धराल

हातपंपातून येणारा पांढरा द्रव पदार्थ नेण्यासाठी लोकांनी मोठी गर्दी केल्याचं व्हिडीओत दिसत आहे.

White liquid from handpump
हातपंपामधून पाण्याऐवजी येऊ लागलं दुध? (Photo : X)

सोशल मीडियावर कधी काय व्हायरल होईल हे सांगता येत नाही. शिवाय कधी कधी असे व्हिडीओ किंवा घटना व्हायरल होतात, जे पाहून आपण डोक्याला हात लावतो. सध्या उत्तर प्रदेशातील मुरादाबादमधील येथील अशाच एका घटनेचा व्हिडीओ सोशल मीडियावर मोठ्या प्रमाणात व्हायरल होत आहे. ज्यामध्ये सरकारी हातपंपातून पाण्याऐवजी वेगळाच द्रव पदार्थ बाहेर येत असल्याचं दिसत आहे. आश्चर्याची बाब म्हणजे पंपातून बाहेर येणारा द्रव पदार्थ दूध असल्याची अफवा पसरताच लोकांनी ते नेण्यासाठी मोठी गर्दी केल्याचंही व्हिडीओत दिसत आहे.

या बातमीसह सर्व प्रीमियम कंटेंट वाचण्यासाठी साइन-इन करा

नेमकं प्रकरण काय आहे?

मुरादाबादच्या बिलारी पोलीस स्टेशन परिसरातील एक व्हिडिओ सोशल मीडियावर व्हायरल होत आहे. व्हिडीओमध्ये सरकारी हातपंपातून पांढऱ्या रंगाचे द्रव बाहेर पडताना दिसत आहे. जे दूध समजून लोकांनी घरी न्यायला सुरुवात केली. शिवाय बाहेर येणारे दुधासारखे द्रव अनेकजण बाटलीमध्ये किंवा मिळेल त्या भांड्यात भरताना दिसत आहेत. कोणी ते द्रव प्लास्टिकच्या पिशव्यांमध्येही भरत आहेत. धक्कादायक बाब म्हणजे काही लोकांनी तर मागचा पुढचा कसलाही विचार न करता आणि पंपातून बाहेर येणारा द्रव पदार्थ काय आहे, याबाबतची माहिती जाणून न घेताच ते प्यायला सुरुवात केली.

हेही पाहा- झुडपात लपलेल्या महाकाय अजगराचे लहान मुलानं पकडलं तोंड अन् पुढच्याच क्षणी….; पाहा अंगावर काटा आणणारा VIDEO

नेटकऱ्यांच्या प्रतिक्रिया –

मीडिया रिपोर्ट्सनुसार, हा व्हिडीओ सोशल मीडियावर व्हायरल झाल्यानंतर स्थानिक प्रशासनाने या प्रकरणाची चौकशी सुरू केली. मात्र, दुधासारखा दिसणारा हा पदार्थ कोणता आहे हे अद्याप स्पष्ट झालं नसल्याचंही सांगण्यात येत आहे. हा व्हिडीओ सोशल मीडियावर मोठ्या प्रमाणात व्हायरल होताच नेटकऱ्यांनी त्यावर वेगवेगळ्या प्रतिक्रिया द्यायला सुरुवात केली आहे. एका युजरने लिहिलं, “आपल्या देशातील लोक खूप विचित्र आहेत.” तर दुसऱ्याने लिहिलं, “हे पाणी प्यायल्यानंतर त्यांचे आरोग्य सुधारेल अशी आशा आहे.” तर तिसऱ्या एकाने लिहिलं, “मूर्खपणाची हद्द झाली.”

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Milk started coming instead of water from hand pump people started looting from bottles and bags see viral video in muradabad jap

First published on: 28-11-2023 at 12:58 IST
Next Story
संतापजनक! ड्रायव्हर, घरकाम करणाऱ्यांनी लिफ्ट वापरल्यास १००० रूपयांचा दंड; हायक्लास सोसायटीचा दुजाभाव