“लेक माहेराचं सोनं…” एकुलत्या एक मुलीच्या लग्नात आईचा शिट्या वाजवत भन्नाट डान्स; VIDEO पाहून तुम्हीही कराल कौतुक

लेक माहेराचं सोनं, लेक सौख्याचं औक्षण, लेक बासरीची धून, लेक अंगणी पैंजण… मुलींना परकं धन समजलं जातं. कारण- एक दिवस ती माहेरचं घर आणि नाव सोडून सासरी नांदायला जाते. पण, आई-वडिलांच्या मनातील मुलीचं स्थान मात्र कायम राहतं. मुलीची जागा कोणताही मुलगा घेऊ शकत नाही. मुली नेहमीच आई-वडिलांची सेवा करताना दिसतात. जी पोरगी आयुष्यभर आई-बापाच्या कुशीत वाढली, जिला हवं ते मिळत होतं, ती एका क्षणात दुसऱ्याच्या घरची लक्ष्मी होते. दरम्यान अशाच एका नवरीच्या हौशी आईचा लेकीच्या लग्नातला डान्स सध्या सोशल मीडियावर व्हायरल होत आहे.

या व्हिडीओमध्ये तुम्ही पाहू शकता, एक आई आपल्या एकुलत्या एक मुलीच्या लग्नात इतकी खूश आहे की तिला तिचा आनंद रोखून ठेवता आला नाही. जशी लेक जावयासोबत स्टेजवर येते तशी आई शीट्या वाजवत स्टेजवर नाचू लागते. यावेळी नवरा नवरीही ठेका धरत नाचताना दिसत आहेत.

पाहा व्हिडीओ

सोशल मीडियावर हा व्हिडीओ rajshree_gosavi_bridal_studioया इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “एकुलत्या एक मुलीच्या लग्नात आईचं धम्माल सेलिब्रेशन”. तसेच या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “हौशी आई” तर आणखी एका महिलेने “लेक लेक असते” अशी प्रतिक्रिया दिली आहे.